ننگرهار ده تحصیل قیلگن ییگیت‌لردن قطاری، ایشسیزلیکدن شکایت قیلیب و سرپرست حکومت‌دن ایش فرصت‌لری یره‌تیلیشی نی ایسته‌گنلر. اولر نینگ ایتیشلریچه، ایش فرصت‌لری یره‌تیلمه‌گنی صورت‌ده، ییگیت‌لردن کوپ قطاری نینگ مهاجرت قیلیش گه مجبور بولیشی ممکن.
ننگرهار ولایتی بهسود تومنی یشاوچیسی و اوشبو ولایت بیلیم یورتی‌ده مهندس‌لیک فاکولته‌سی نی بیتیرگن فضل هادی نینگ ایتیشیچه، اوتگن نیچه ییل‌ده ایش اوچون اونلب حکومتی نهاد گه باش اورگن؛ لیکن مذکور نهاد‌لردن هیچ بیری ایجابی جواب قیترمه‌گن.
اونینگ کوپه‌یتیریشیچه، اداره‌لردن کوپ قطاری‌ده ایش گه آلینیش، تانیش اساسیده بولیب و بو بولیم‌ده شفافیت یوق. «بیلیم یورت نی بیتیرگنیم‌دن بیری ایش‌سیز‌مین؛ قیین بیر شرایط‌ده درس اوقیدیم؛ بو قدر زحمت گه علاوه، حاضرگچه ایش آختریب یوریگن‌مین؛ ایش‌سیزلیک شونچه هم کوپه‌یگن که ساده بیر ایش هم یوق.»
بیزلرنینگ فیسبوک صحیفه‌میزگه باش اورینگ!
شونینگدیک ننگرهار بیلیم یورتی‌ده پشتو تیلی و ادبیات دیپارتمنتی نی بیتیرگن ملت دانش نینگ ایتیشیچه، کوپینچه سعی‌وحرکت بیلن هیچ بیر دولتی و نادولتی ادارهلرده ایش آلالمه‌گن.
اونینگ کوپه‌یتیریشیچه، تحصیل قیلگن ییگیت‌لر اوزلری گه ایش تاپه آلمه‌ی و ایش‌سیز بولگنی پیتده، مهاجرت گه قول اوریشلری ممکن. اونگه کوره: «اهالی‌دن کوپینچه‌سی نی کوره‌میز که اوغیرلاوچیلیک قیله‌دی که ایش‌سیزلیک اوچون دیر؛ بیر قطار کیشی هم مخدره ماده قوللنیش گه یوز کیلتیره‌دی یا-ده ناتوغری ایشلر گه قول اوره‌دی که بو جمعیت‌ده قیین‌چیلیک نی یره‌ته‌دی.»
باشقه بیر تاماندن، ننگرهار حاکمی اورین‌باسری سعیداحمد بنوری نینگ ایتیشیچه، حکومتی نهاد‌لر دولتی و نادولتی ادارهلرده ییگیت‌لر گه ایش زمینه‌سی یره‌تیلیشی اوچون سوز بیره‌دی. اونینگ کوپه‌یتیریشیچه، اوتمیش گه قره‌گنده دولتی و نادولتی اداره‌لر گه ایش گه آلینیش پروسه‌سی شفاف بولگن؛ لیکن ینه هم نیاز اساسیده ییگیت‌لر گه ایش زمینه‌سی یره‌تیلشی اوچون سعی‌وحرکت بوله‌دی.
ننگرهار حاکمی اورین‌باسری گه کوره: «حاضرگچه مرکز و تومن‌لرده کوپینچه مسلکی کیشی‌لر نی ایش گه آلگن‌میز که کوپینچه بست‌لر تولگن؛ بیر قطار بست‌لر قالگن که تحصیل قیلگن کیشی‌لر نینگ آلیش اوچون سعی‌وحرکت قیله‌میز.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، اقتصادی ایش بیلرمانلر نینگ ایتیشلریچه، افغانستان اقتصادی رواجلنیش اوچون ایشلش حقوقی گه ایگه بولگن برچه کیشی گه ایش زمینه‌سی یره‌تیلیشی کیره‌ک.
اقتصادی ایش بیلرمان اسد‌الله احمدزی نینگ سلام‌وطندار گه ایتیشیچه: «حکومت اهالی گه ایش زمینه‌سی نی یره‌تیشی کیره‌ک؛ بو ایش اقتصادی رواجلنیش و حکومت گه نسبت اهالی نینگ ایشانچی کوپه‌یشی گه سبب بوله‌دی؛ اهالی گه ایش زمینه‌سی یره‌تیلمه‌گنی صورت‌ده، حکومت و اهالی آره‌سیده فاصله نینگ کوپه‌یشی ممکن.»
ننگرهار یانیده مملکت نینگ باشقه بیر قطار ولایت‌لریده هم یشاوچیلر ایشسیزلیکدن شکایت قیلیب، کوپینچه تحصیل قیلگن و تحصیل قیلمه‌گن ییگیت‌لر هر ییلی عایله‌لری نینگ نیازلری نی تامین‌لش اوچون قاچاقی شکلده باشقه مملکت‌لر گه مهاجرت قیله‌دیلر.