پاکستان حربی کوچلری بیر اعلامیه ترقه‌تیش بیلن ادعا قیلیشیچه، افغانستان ده ترورچیلیک تهدید‌لر موجود‌لیگی، اسلام‌آباد نی تهدید قیله‌دی و اسلام امیر‌لیگی، افغانستان توپراغیدن باشقه مملکت‌لر گه قرشی قوللنیلمه‌سلیگی اوچون اوز تعهد‌لری نی عمل گه آشیریشی کیره‌ک.
پاکستان حربی کوچلری نینگ بو بیاناتی، مذکور مملکت حربی کوچلری باش قومندانی عاصم منیر نینگ کویته گه قیلگن سفری‌دن کیین ترقه‌تیلگن؛ دیمک کویته شهری اوتکن چهارشنبه کونی، تحریک جهاد ناملی عصیانچی بیر گروه تامانیدن اویوشتیریلگن پارتلش هجوم‌گه گواه ایدی و بو هجوم عاقبتیده پاکستان‌نینگ کمیده اون ایکی عسکری هلاک بولگن.
بیزلرنینگ توییترده هم تعقیب قیلینگ!
شونینگدیک پاکستان حربی کوچلری باش قومندانی، افغانستان ده پاکستان طالب‌لر تحریکی نینگ فعال حضوری بارلیگی نی ادعا قیلگن که، اوشبو ادعا دایم اسلام امیر‌لیگی تامانیدن رد بولگن.
پاکستان نینگ افغانستان توپراغیدن ترورچیلیک تهدید‌لر خصوصیده خواطری نینگ قنچه جدی بولگنی و بو بیانات‌لردن پاکستان‌لیک رسمی‌لری نینگ مقصدی نیمه بولگنی بیللی ایمس.
شونده‌ی بیرحالده، حربی ایش بیلرمان اسد‌الله ندیم نینگ ایتیشیچه، پاکستان بو کبی موضوع‌لر نی بیان قیلیش بیلن، افغانستان ده ملی منفعت‌لری نی تطبیق قیلیش کیتی‌ده دیر.
اونینگ کوپه‌یتیریشیچه: «پاکستان افغانستان توپراغیدن تهدید بولیشی نی مونچه ایتیشی، اوزی نی مظلوم کورسته‌تیش کبی دیر که، بو رقم بعضی ایسته‌کلری نینگ قبول قیلینیشی اوچون، باسیم کیلتیرسه. یعنی تی‌تی‌پی و اولر نینگ عایله‌لری نی افغانستان شمالی گه انتقال بیریش کبی.»
شونینگدیک حربی ایشلر بیلرمانلر مذکور مملکت ایچیده ترورچیلیک تهدید‌لر نینگ اوشلب توریش خصوصیده پاکستان حکومتی نینگ رفتاری‌دن تنقید قیله‌دیلر.
بو توغریده حربی ایش بیلرمان محمد‌متین محمود‌خیل نینگ ایتیشیچه: «تهدید بولگنی صورت‌ده، چیگره‌لر نی سقلش ایکی مملکت مسئولیتی دیر. افغانستان چیگره‌لری نینگ پاکستان گه تهدید بولگنی صورت‌ده، مذکور مملکت چیگره کوچلری نیگه شکایت قیلمه‌یدیلر و اوشبو بیانات پاکستان مملکتی نینگ ایچیده یوز بیره‌دی.»
بیزلرنینگ فیسبوک صحیفه‌میزگه باش اورینگ!
شو بیلن بیرگه، اکسپرس‌تریبیون کونده‌لیگی نینگ گزارشی کوره، مذکور مملکت نینگ کراچی شهری بوییچه امیر جماعت‌الاحرار محمد داوودزی، افغانستان ده ناتانیش قوراللی کیشی‌لر تامانیدن اوققه توتیلیب اولدیریلگن.
عین حالده، افغانستان توپراغیدن ترورچیلیک تهدید‌لر اساسیده پاکستان نینگ بیاناتی و خواطرلری برابری‌ده، اسلام امیر‌لیگی حاضرگچه هیچ قنده‌ی عکس‌العمل بیلدیرمه‌ی و بو توغریده سلام‌وطندار نینگ سوراق‌لری گه جواب قیترمه‌گن.
