اسلام امیرلیگی افغانستان ده قرارگاه‌لرینی یوق قیلگنینی دعوا قیله‌یاتگن اسلامی دولت یا که داعش گروهی نینگ خراسان بولیمی، حاضر هم افغانستان خصوصیده دنیا نینگ تشویش‌لریدن بیری سنله‌دی.
ینگی‌لیکده، بیرلشگن ملتلر تشکیلاتی نینگ خوفسیزلیک کینگشی ترقه‌تگن گزارشی ده، افغانستان ده داعش گروهی عسکر آلیب و بو مملکت ده خارجی گروه‌لر اعضالری همده اسلام امیرلیگی نینگ ناراضی اعضالری آرهسیده لابی‌گرلیک قیلیش گه سعی‌وحرکت قیله‌یاتگنینی ادعا قیلگن.
کنر ده داعش گروهی نینگ خراسان بولیمی رهبری ثناءالله غفاری نینگ تیریک بولیشی و حضوری و افغانستان ده اوشبو گروه نینگ زمانه‌وی قوراللر دن فایده‌لنیشی، بیرلشگن ملتلر تشکیلاتی خوفسیزلیک کینگشی نینگ گزارشی ده ایسلنگن موردلردن دیر.
بیزلرنینگ فیسبوک صحیفه‌میزگه باش اورینگ!
اوشبو گزارش نینگ بیر بولیمیده کیلیشیچه: «داعش گروهی خراسان بولیمی، افغانستان ده شرقی تورکستان اسلامی حرکت اعضالری نینگ جلب قیلیش گه اولگورگن و شونینگدیک، ننگرهار و کنر ولایت‌لریده انصارالله و جماعت الاحرار قوماندان‌لری داعش صفی گه قوشیلگن.»
بیراق اسلام امیرلیگی بیرلشگن ملتلر تشکیلاتی خوفسیزلیک کینگشی نینگ اوشبو گزارشینی رد قیلیب ایتیشیچه، بو گزارش ناتوغری معلومات و منبع‌لر گه تیه‌نیلیب تیارلنگن‌لیگی ممکن.
اسلام امیرلیگی سوزلاوچیسی ذبیح‌الله مجاهد، سرپرست حکومت نینگ داعش گروهی نی یوق ایتیش اوچون جدی‌لیگی اوستیگه تاکیدلب ایتیشیچه، حاضر بو گروه نینگ افغانستان ده عسکر آلیش فرصتی و توانی یوق دیر.
بیزلرنینگ «ایکس» ترماغی ده هم تعقیب قیلینگ!
مجاهد نینگ سلام‌وطندار گه ایتیشیچه: «بیز بو ادعالرنی رد قیله‌میز، افغانستان ده داعش یامان احوال ده دیر، اولر نینگ عسکر آلیش یا که فعالیت قیلیش فرصتی یوق و هیچ جای ده فعالیت قیله آلمه‌یدی، اسلام امیرلیگی کوچلری اولر گه قرشی کوره‌ش ده جدی دیر.»
شو بیلن بیرگه، حربی ایش بیلرمان صادق شینواری نینگ ایشانچی گه کوره، داعش تهدیدلری اوچون خواطرلر جدی و مذکور گروه گه قرشی کوره‌ش اوچون منطقه‌وی اجماع شکللنیشی لازم.
شینواری نینگ سلام‌وطندار گه ایتیشیچه: «داعش گروهی نه‌فقط اوتمیش ده افغانستان خوفسیزلیگی اوچون بیر تهدید ایدی بلکیم حاضر و کیله‌جک ده هم جدی خطر بولیشی ممکن، بونگه قوشیمچه داعش منطقه و فرا منطقه مملکت‌لر اوچون هم تهدید سنله‌دی، بو گروه نی یوق قیلیش اوچون منطقه و فرا منطقه‌وی اجماع شکللنیشی درکار.»
ایتیش کیره‌ک، اسلام امیرلیگی بوندن آلدین مملکت نینگ بیر قطار منطقه‌لری ده عملیات اوتکزیب و اوشبو عملیات‌لر عاقبتیده داعش جنگری‌لری و قرارگاه‌لرینی یوق ایتگنینی ادعا قیلگن.