اسلامی امارت مدافعه وزیرلیگی تویتری ده یازیشیچه، «اباسین زدران» مارکیتیده صادر ایتیلگن یانغین‌نی اوشبو وزیرلیک نینگ اطفائیه تیمی یاردمی بیلن اوچیرگنلر.
مذکور یانغین بوگون (چهارشنبه، ۱۳ میزان) ساعت ۸:۰۰ اطرافیده «احمدی مارکیتیده» یوز بیردی. اوشبو یانغین نتیجه‌سیده اباسین زدران مارکیتی هم آلاو آلگن.
بیزلرنینگ فیسبوک صحیفه‌میزگه باش اورینگ!
ملی مدافعه وزیرلیگی نینگ ایتیشیچه، مذکور یانغین ۳۱۳ قول اردو اطفائیه تیمی یاردمی بیلن اوچیریلگن.
اوشبو وزیرلیک نینگ کوپه‌یتیریشیچه، یانغین نی اوچیریش ده حربی اوچاق‌لر دن هم قوله‌نیلگن.
مذکور یانغین نینگ احتمالی زیان‌لری و تلفاتی حاضرگچه بیللی ایمس.
بیزلرنینگ توییترده هم تعقیب قیلینگ!
کوته‌ی سنگی کابل شهری نینگ گوجوم منطقه‌لریدن دیر. اوشبو منطقه ده‌گی مارکیت‌لرده کوپراق عیاللر گه عاید قیمت بها کییم_کیچک و تقینچاق‌لر ساتیله‌دی.
ایتیش کیره‌ک که، نیچه ییل آلدین اباسین زدران مارکیتیده کوچلی یانغین صادر بولیب و آغیر مالی زیان ییتکیزگن ایدی.
