اسلام امیرلیگی تشقی ایشلر وزیرلیگی سرپرستی امیرخان متقی، ۹-سنبله، جمعه کونی کامرون ده اسلامی همکارلیک تشکیلاتی تشقی ایشلر وزیرلری نینگ ۵۰-ییغیلیشیده، بوتون مملکت‌لر اینیقسه بو تشکیلات گه اعضا مملکت‌لردن، قۉشمه منفعت اساسیده افغانستان بیلن اقتصاد و سودا مناسبت‌لرینی کېنگه‌یتیریش‌لرینی اېسته‌گن.
اوشبو ییغیلیشده تشقی ایشلر وزیرلیگی سرپرستی، برچه مملکت‌لردن اسلام امیرلیگی رسمی‌لری نینگ سفری گه یره‌تیلگن چېکلاولر بیکار قیلینیشی، افغانستان نینگ موزله‌تیلگن سرمایه‌لری آزاد اېتیلیشی و بانکی چېکلاولر حل اېتیلیشی اوچون عملی اقدام قیلیش‌لرینی سۉره‌گن.
اونینگ کوپه‌یتیریشیچه: «بوتون مملکت‌لر افغانستان مرکزی بانکی سرمایه‌لرینی آزاد اېتیش و اقتصادی تحریم‌لر ده افغانستان اسلام امیرلیگی رهبرلری نینگ سفرلری گه یره‌تیلگن چېکلاولر بیکار قیلینیشی اوچون تلاش قیلیش‌لری کېره‌ک؛ ایکّینچی طلبی‌میز اسلامی همکارلیک تشکیلاتی گه اعضا مملکت‌لر و دنیا اولکه‌لری قۉشمه منفعت‌لری اساسیده، افغانستان بیلن اقتصاد و سودا همکارلیک قیلیش‌لرینی سۉره‌یمیز.»
بیزلرنینگ فیسبوک صحیفه‌میزگه باش اورینگ!
متقی، اسلامی همکارلیک تشکیلاتی تشقی ایشلر وزیرلری نینگ ییغیلیشیده، افغانستانده بانکی چېکلاولر بو مملکت نینگ اقتصادی ترقیاتی اوستیگه سلبی تأثیر قویگنینی معلوم قیلگن.
سیاسی و اقتصادی ایش بیلرمان‌لر نینگ ایشانچی گه کوره، بو ییغیلیشده اسلام امیرلیگی نینگ اېستک‌لری، سیاسی و اقتصادی انزوا دن قوتیلیش اوچون بجا دیر؛ بیراق حاضرگی شرایط و تامان‌لر اۉرته‌سیده‌گی کېسکین‌لیک طفیلی بو طلب انابت آلینمسلیگی ممکن.
سیاسی ایش بیلرمان شفیق‌الله سادات نینگ ایشانچی گه کوره، حاضرگی کونده اسلامی همکارلیک تشکیلاتی ایچکریدن اتفاق بولمه‌ی و دنیا بویوک قدرت‌لری نینگ نفوذیدن تأثیرلنگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «بو تشکیلات شکللنگنیدن حاضرگه قدر کوپ ییغیلیش‌لر اۉتکزیب و عملده کوپ تأثیری بولمه‌گن، اوشبو تشکیلات نینگ بوتون اعضالری هېچ قچان صادر قیله‌دیگن قطع‌نامه‌لری گه جدی بولمه‌گنلر، بو تشکیلات ایچکی قدرت نقطه-نظریدن بیر اېمس.»
اقتصادی ایش بیلرمان قیس محمدی نینگ ایتیشیچه، اسلام امیرلیگی اوزاق و یقین مملکت‌لر بیلن اقتصاد و سودا مناسبت‌لرینی کېنگه‌یتیریش اوچون تلاش قیلیش اورنیده، دستلب افغانستانده اقتصادی ترقیات گه مانع بولگن توسیق‌لرنی معقول سیاست بیلن حل اېتیشی کېره‌ک.
برچه‌سی بیلن، خلق‌ارا مناسبت‌لر ایش بیلرمان‌لرنی عبدالواحد حکیمی گه کوره، افغانستان حاضرگی سیاسی و اقتصادی انزوا دن چیقیشی و سرپرست حکومت نینگ اېستک‌لری اسلامی و باشقه مملکت‌لر تامانیدن انابت گه آلینیشی اوچون، همکارلیک سیاست نی نظرگه توتیشی لازم.
اسلام امیرلیگی تشقی ایشلر وزیرلیگی سرپرستی، اسلامی همکارلیک تشکیلاتی ییغیلیشیده، اسلام امیرلیگی برچه مملکت‌لر بیلن حسنه مناسبتنی آلغه آلیب بارماقده و اولردن هم بونده‌ی سیاست نی آلغه آلیب باریش‌لرینی سۉره‌گن.
