قاچقینلر قیینچیلیکلرینی حل قیلیش بوییچه عالی کمیسیونی، ایران و پاکستان دن جبری شکلده ۴ مینگ ۲۶۸ افغانستانلیکنینگ چیقریلگنینی معلوم قیلگن.
اوشبو کمیسیون بوگون (۱-قوس، شنبه)، اکس صحیفهسیده بیر بیانیه آرقهلی یازیشیچه، مذکور کیشیلر اوتگن کون هرات ده اسلامقلعه، نیمروز ده پل ابریشم، قندهار ده اسپینبولدک و ننگرهار ده تورخم چیگره قتناو یوللری آرقهلی افغانستان گه قیتگنلر.
قاچقینلر قیینچیلیکلرینی حل قیلیش بوییچه عالی کمیسیونینینگ کوپهیتیریشیچه، ایران و پاکستان دن قیتگن اوشبو کیشیلرگه نقد پول، آزیق-آوقت و طبی خذمتلر کورسهتیلگن.
مذکور ایکی مملکت، اوتمیشدن بویان افغانستان یشاوچیلرینینگ مهاجرت قیلهدیگن مقصدلریدن بولیب، اوتگن ایکی ییلده ایران و پاکستان دن تورت میلیوندن آرتیق کیشی جبری و داوطلب شکلده مملکت گه قیتگن.
