ملی مصالحه عالی کینگشی باشلیغی عبدالله عبدالله، ینگی‌دهلی‌گه قیلگن سفریده هندوستان باش وزیری نارندرا مودی بیلن اوچره‌شگن. عبدالله جناب‌لری نینگ توییتر صفحه‌سیده یازیشیچه، اوشبو اوچره‌شووده افغانستان تینچلیک سوزلشوولری آلغه باریشی و هندوستان نینگ اوشبو جریاندن حمایت قیلیشی خصوصیده بحث قیلینگن.
جناب عبدالله گه کوره، اوشبو اوچره‌شووده هندوستان باش وزیری، افغانستان تینچلیک سوزلشوویدن حمایت بیلدیرگن.
شونینگدیک، ملی مصالحه کینگشی باشلیغی عبدالله عبدالله، اوتگن “چهارشنبه” کونی هندوستان نینگ ملی خوفسیزلیک مصلحتچی‌سی مهربا اجیت دووال بیلن اوچره‌شیب، دوحه‌ده دوامی بولگن تینچلیک سوزلشوولر خصوصیده سوزلشگن.
جناب عبدالله کوره، هندوستان نینگ ملی خوفسیزلیک مصلحتچی‌سی افغانستان تینچلیک سوزلشوویدن حمایت بیلدیرگن.
عین‌حالده، هندوستان نینگ ملی خوفسیزلیک مصلحتچی‌سی، ایرکین و کوچلی بیر افغانستان دن حمایت بیلدیریشی‌نی ایتیگن.
افغانستان بوییچه ملی مصالحه کینگشی باشلیغی عبدالله عبدالله، اوتگن “سه‌شنبه” کونی دولتی بیر هیات باشلیغی‌ده هندوستان باش وزیری، تشقی ایشلر وزیری و باشقه بیر قطار دولتی مسووللری بیلن اوچره‌شیش مقصد ده اوشبو مملکت‌گه سفر قیلگن ایدی.
جناب عبدالله گه کوره، هند اولکه‌سیگه بولگن تورت کون‌لیک سفریدن اصلی مقصد، تینچلیک سوزلشوولر توغریسیده هندوستان نینگ حمایتی‌نی جلب قیلیش دیر.
