دوحه نینگ اوچینچی ییغینی یولگه قوییلیشی عرفه‌سیده، سرپرست حکومت سوزلاوچیسی ذبیح‌الله مجاهد، بوگون (شنبه، ۹-سرطان)، حکومت نینگ ییتکرمه‌لر مرکزی‌ده یولگه قوییلگن خبری بیر ییغین‌ده ایتیشیچه، اوشبو ییغین گه اسلام امیرلیگی هیئتی نینگ قتنه‌شیشی‌دن مقصد، افغانستان بیلن بیرلشگن ملتلر تشکیلاتی و اونگه اعضا مملکت‌لر نینگ ایجابی تعاملی گه باغلیق مسئله‌لرینی حل قیلیش و افغانستان ده هرتامانلمه ثبات و وضعیت نینگ یخشی‌لنیشی اوچون واحد بیر یول تاپیش دیر.
اونینگ کوپه‌یتیریشیچه: «بو سفری‌میز هیچ جهت بیلن دشمن‌لیک ایمس و برچه تامان‌لر بیلن تعامل قیلیش دیر. دوحه ییغینی‌گه کیلیشوو و قیین‌چیلیکلرنی حل قیلیش اوچون باره‌میز و برچه مملکت‌لر نینگ افغانستان بیلن تعامل قیلیشی نی ایسته‌یمیز؛ افغانستان بیلن بیرلشگن ملتلر تشکیلاتی و اونگه اعضا مملکت‌لر نینگ ایجابی تعاملی گه باغلیق مسئله‌لرینی حل قیلیش و افغانستان ده هرتامانلمه ثبات و وضعیت نینگ یخشی‌لنیشی اوچون واحد بیر یول تاپیش دیر.»
بیزلرنینگ «ایکس» ترماغی ده هم تعقیب قیلینگ!
مجاهد دوحه ییغینی نی، افغانستان قیینچیلیکلری حلی اوچون فایده‌لی بیر فرصت بیلیب و ایتیشیچه، دوحه نینگ اوچینچی ییغینی‌ده، اساسی و جوده مهم بحث‌لر صورت تاپمه‌ی، یالغیز اسلام امیرلیگی بیلن مملکت‌لر آره‌سیده بیر قطار پیغام‌لر المشه‌دی.
دوحه نینگ اوچینچی ییغینی‌ده افغانستان‌لیک عیال‌لر و مدنی جمعیت‌دن هیئت نینگ حضوری بولمسلیگی‌دن ایچکی و تشقی شکایت‌لر و خواطرلر جوابی توغریسیده اسلام امیرلیگی سوزلاوچیسی نینگ ایتیشیچه، نیچه تاماندن خلق‌ارا ییغین‌لر گه افغانستان‌لیک‌لر نینگ حضوی، فتنه اساسی بولیشی ممکن؛ انه شوو سبب افغانستان تاماندن بو ییغین گه واحد بیر نماینده قتنشه‌دی. «تشقی ییغین‌لرده افغانستان‌لیک‌لر نیچه جهت‌دن حضوری بولگنی‌ده، بو ملت نینگ بیر یول‌ده بولمه‌گنی نی کورسته‌دی و مداخله قیلیش گه زمینه یره‌ته‌دی. تشقریده واحد موقفلری بولیشی کیره‌ک.»
بیزلرنینگ فیسبوک صحیفه‌میزگه باش اورینگ!
مجاهد گه کوره، عیال‌لر نینگ تعلیمی و ایشی افغانستان نینگ ایچکی مسئله‌لریدن بولیب و اونینگ حل قیلینیشی اوچون مملکت ایچیده عملی آدیم‌لر نینگ آلینیشی ممکن.
دوحه نینگ اوچینچی ییغینی ایرته یک‌شنبه، ۱۰-سرطان، افغانستان خصوصیده بحث قیلیش مقصد بیرلشگن ملتلر تشکیلاتی میزبان‌لیگی‌‌گه مملکت‌لر نماینده‌لری حضوری بیلن، قطر ده یولگه قوییله‌دی. اوشبو ییغین‌ده افغانستان دن هم سرپرست حکومت سوزلاوچیسی ذبیح‌الله مجاهد ییتکچیلیگی‌‌ده آلتی کیشی‌لیک بیر هیئت اشتراک قیله‌دی.
