افغانستان ده اسلامی امارت نینگ قدرت گه ایریشگنیدن‌دن کیین، امر بالمعروف و نهی عن‌المنکر وزیرلیگی عیاللر وزیرلیگی بناسیده اوز فعالیتی نی باشلدی، لیکن اوشبو وزیرلیک مسئوللری نینگ ایتیش‌لریچه، حاضرگچه عیاللر وزیرلیگی لغو بولگنی یوق.
امر بالمعروف و نهی عن‌المنکر وزیرلیگی سوزلاوچیسی محمد‌صادق عاکف، بوگون معلومات مرکزی و حکومت رسانه‌لریده اوشبو وزیرلیک نینگ ایشلری نی اهالی بیلن شریک قیلیش اوچون یولگه قوییلگن ییغین‌ده ایتگن که، بو مرته عیاللر وزیرلیگی نینگ فعالیتی باشلنگنی صورت‌ده، اوتمیش گه قره‌گنده بیراز فرقلی بولیب و اصل معنا‌ده افغان عیاللر اوچون ایشله‌یشی ممکن.
اونینگ کوپه‌یتیریشیچه: «عیاللر وزیرلیگی بوندن آلدین موجود ایدی و اسلامی امارت حاضرگچه اوشبو وزیرلیک نی لغو قیلمه‌گن. لیکن بونی بیان قیلیشیم کیره‌ک که، اوشبو وزیرلیک نینگ فعالیتی باشلنگنی صورت‌ده، اوتمیش کبی یالغیز بیر نهاد بولمه‌یدی که تشقی مملکت‌لردن پول آلینیب و شخصی کیسه‌لر گه کیته‌ر ایدی.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، عیاللر حقوقی فعال‌لری نینگ ایتیش‌لریچه، اولر اسلامی امارت نینگ شو رقم سوزلری گه ایشانمه‌یدیلر و اسلامی امارت خاتین-قیزلر وزیرلیگی نینگ فعالیتی خصوصیده نیتی بولگنی صورت‌ده، مذکور وزیرلیک بناسی و امکانیت‌لری نی امر بالمعروف و نهی عن‌المنکر وزیرلیگی گه تاپشیرمه‌یدی.
بو توغریده عیاللر حقوقی فعال‌لریدن ژولیا پارسی نینگ ایتیشیچه: «اولر عیاللر وزیرلیگی نینگ لغو بولمه‌گنی و قیته فعالیت گه باشله‌یشی نی ایتگنلری، یالغیز بیر سوز دیر و فکر قیلمه‌یمن که عمل گه آشیریلسه.»
شونینگدیک عیاللر حقوقی فعال‌لریدن سوسن خالق‌یار نینگ ایتیشیچه: «اسلامی امارت مکتب‌لر نی یاپگن دیر و اونینگ قیته آچیلیشی آسان بیر ایش دیر، نیگه اونی آچمه‌یدی؟ اولر نینگ سوزلری گه ایشانمه‌یمیز.»
بیزلرنینگ توییترده هم تعقیب قیلینگ!
باشقه بیر تامان‌دن، امر بالمعروف و نهی عن‌المنکر وزیرلیگی سوزلاوچیسی نینگ کوپه‌یتیریشیچه، اولر اوتمیش بیر ییل جریانیده، ۱۰۸۹ شکایت نی تلیفون آرقه‌لی قید قیلگنلر که، اولردن کوپ قطاری حل بولگن دیر. اونگه کوره، ۷۱۵ مکتوب شکایتی‌دن، ۱۱۷ ته‌سی حل بولگن دیر.
امر بالمعروف و نهی عن‌المنکر وزیرلیگی مسئوللری نینگ کوپه‌یتیریش‌لریچه، اولر کمیده ۹۰۰ نا‌اهل، مخدره ماده گه چلینگن، قانونی یاش نی تولدیرمه‌گن و سقال‌لری نی آلگن کیشی‌لری نی کم قیلیب و اسلامی امارت خوفسیزلیک فهرستی‌دن خط اورگنلر.
