سرپرست حکومت کانلر و پترولیم وزیرلیگی مسئوللری، اوشبو وزیرلیک نینگ بیر ییل‌لیک یوتوق‌لرینی یېتکرمهلر بیلن شریک قیلیش برنامه ده، حاضرگی کونده افغانستانده ۱۸۰ کیچیک و بویوک کان قازیب چیقریلماقده‌لیگینی اېته‌دیلر.
کانلر و پترولیم وزیرلیگی سۉزلاوچیسی همایون افغان گه کوره، افغانستانده ۱۶۷ کیچیک کان نینگ قازیب چیقریلیشی اوچون ۱۰ میلیارد افغانی دن کوپراق سرمایه یاتقیزیلگن و ۱۳ بویوک کان نینگ قازیب چیقریش اوچون استه-سیکین سکیز میلیارد افغانی سرمایه یاتقیزیش فرصتی یره‌تیلگن.
اونینگ کوپه‌یتیریشیچه: «توپلم طرزده کیچیک مقیاس ده ۱۶۷ کان ده سکیز دن ۱۰ میلیارد افغانی سرمایه یاتقیزیلگن. بویوک کانلرده سکیز میلیارد دالر سرمایه یاتقزیش فرصتی یره‌تیلگن بو سرمایه یاتقیزیش‌لر استه-سکین بولگن و افغانستان ایچیده پروسس قیلینیشی شرط دییلگن.»
بیزلرنینگ فیسبوک صحیفه‌میزگه باش اورینگ!
کانلر و پترولیم وزیرلیگی مسئوللری نینگ ایتیشلریچه، سۉنگی بیر ییلده پنجشیر ده قریب بیر مینگ ۷۰۰ زمرد کانی انیقلنگن و قانونی قازیب چیقریلیشی اوچون ۵۷۵ اجازه‌ت نامه صادر اېتیلگن.
بو وزیرلیک نینگ معلوماتی اساسیده، اۉتگن بیر ییلده پنجشیردن قازیب چیقریلگن ۷۸ مینگ قیراط زمرد، بیش میلیون ۵۰۰ مینگ دالر عوضی گه ایرکین داوطلب‌لیک اساسیده ایچکی و تشقی سوداگرلر گه ساتیلگن.
مذکور وزیرلیک مسئوللری نینگ کوپه‌یتیریشیچه، سۉنگی بیر ییلده فاریاب ولایتی اندخوی تومنیده ۱۴ کیلومتر مربع توز کانی ۲۴ میلیون دالر عوضی گه ۱۵ ییلگچه و تخار تاش کانی قریب ۵۰۰ میلیون افغانی عوضی گه قازیب چیقریلیش شرطنامه‌لری، ایچکی بیر سرمایه یاتقیزیش شرکت بیلن امضالنگن.
بیزلرنینگ «ایکس» ترماغی ده هم تعقیب قیلینگ!
کانلر و پترولیم وزیرلیگی سۉزلاوچیسی همایون افغان گه کوره، حاضرگی کونده افغانستان کانلریده ۱۵۰ مینگ کیشی ایش بیلن تأمینلنگن.
اونینگ ایتیشیچه: «افغانستان کانلریده قریب ۱۵۰ مینگ کیشی ایش بیلن تأمینلنگن اولر نینگ کوپینچه‌‌سی تاش کومیر، قیمت‌بها تاشلرنی قازیب چیقریش بولیمیده ایشله‌یدی. اۉتگن ییل شرطنامه‌لری امضالنگن ۱۳ بویوک کان همده مس‌عینک و نفت-گاز کبی لایحه‌لرده مستقیم و نامستقیم طرزده کوپ سانده کیشی‌لر ایش بیلن مصروف دیر.»
کانلر و پترولیم وزیرلیگی مسئوللری، قشقری، انگوت و آق‌دریا منطقه‌لریده ۲۱ ساحه دن نفت قازیب چیقریش ایشی دوام اېتماقده و هر کونی بیر مینگ ۳۰۰ تُن خام نفت بو منطقه‌لردن قازیب چیقریلیشینی معلوم قیله‌دیلر.
اولر گه کوره، جوزجان یتیم‌تاق ساحه‌سیده ۳۳ و ۳۵ گاز قودوق‌لری کېنگه‌یتیریلیش شرطنامه‌سی تورکی بیر شرکت بیلن امضاله‌گن.
کانلر و پترولیم وزیرلیگی نینگ مالی و اداری اورین باسری حسام‌الدین صابری، افغانستان کانلریدن مافیا قولی همان اوزولمه‌گنینی اېته‌دی.
اونگه کوره: «مافیا آلتین قازیب چیقریش ده قولی بار اېدی، بیراق الله نینگ مرحمتی بیلن همکارلریمیز اولر نینگ فعالیت‌لرینی چېکلنتیریش گه قادر بولدی. بوتونلی کنترول بولیش گه امید بیلدیره‌من. کانلرنی قازیب چیقریش ده مافیا فعالیتی ۱۰۰ فایز کنترول بولگنینی اېتسم حقیقت دن اوزاق دیر.»
کانلر و پترولیم وزیرلیگی مسئوللری، قیمت‌بها تاشلر نینگ قانونی قازیب چیقریش اسلوبی، طلب‌گار شرکتلر گه منرال‌لر نینگ پروسس قیلیش ۵۲ اجازه‌ت نامه‌سی ترقه‌لیشی، قطار ولایت‌لرده ۱۲ مهم لایحه ایشی دوام اېتماقده‌لیگی، کانلر نینگ قانونی تصدیق‌لنیشی، ۶۴۷ کان تېکشیریلیشی، ایچکی و تشقی نهادلر بیلن سکیز همکارلیک شرطنامه امضالنیشی و باشقه ایشلرنی اوشبو وزیرلیک نینگ بیر ییل‌لیک یوتوق‌لریدن عنوان قیله‌دیلر.
