سرپرست حکومت کانلر و پترولیم وزیرلیگی مسئوللری، بوگون (۳۱-سنبله، شنبه) اوشبو وزیرلیک نینگ بیر ییل‌لیک یوتوق‌لرینی یېتکرمهلر بیلن شریک قیلیش برنامه ده ایتیشلریچه، سۉنگی بیر ییلده قریب ۵.۵ میلیون دالرلیک ۷۸ مینگ گه یقین قیراط «زمرد» اېرکین داوطلب‌لیک آرقه‌لی ایچکی و تشقی سرمایه یاتقیزووچیلر گه ساتیلگن.
مذکور وزیرلیک مسئوللری نینگ ایتیشلریچه، سۉنگی بیر ییلده پنجشیر ده قریب بیر مینگ ۷۰۰ زمرد کانی انیقلنگن و قانونی قازیب چیقریلیشی اوچون ۵۷۵ اجازه‌ت نامه صادر اېتیلیب و ۱۵ مینگ کیشی گه ایش فرصتی یره‌تیلگن.
بیزلرنینگ فیسبوک صحیفه‌میزگه باش اورینگ!
کانلر و پترولیم وزیرلیگی مسئوللری گه کوره، سۉنگی بیر ییلده ایچکی سرمایه یاتقیزووچیلر بیلن کیچیک مقیاس ده کانلر نینگ قازیب چیقریش ۸۰ شرطنامه امضالنگن و کیچیک مقیاسده‌گی ۱۰ کان نینگ قازیب چیقریش شرطنامه‌سی بیکار قیلینگن.
کانلر و پترولیم وزیرلیگی مسئوللری، حاضرگی کونده بو وزیرلیک قریب ۱۰ میلیارد افغانی‌لیک کیچیک کانلر نینگ قازیب چیقریش ۱۶۷ شرطنامه‌سینی امضالب و ایشلری دوام اېتماقده و مستقیم و نامستقیم طرزده مینگلب کیشی ایش بیلن تأمینلنگنینی اېته‌دیلر.
بیزلرنینگ «ایکس» ترماغی ده هم تعقیب قیلینگ!
اۉتگن بیر ییلده کانلر و پترولیم وزیرلیگی منرال‌لر نینگ پروسس قیلیش ۵۲ جوازینی طلب‌گار شرکت‌لر گه صادر قیلگنینی معلوم قیله‌دی، اوشبو وزیرلیک مسئوللری.
کانلر و پترولیم وزیرلیگی مسئوللری گه کوره، بو وزیرلیک سۉنگی بیر ییلده ایشلرنی ترتیب گه سالیش و یخشی آلغه آلیب باریش مقصدیده، ایچکی و تشقی نهادلر بیلن سکیز همکارلیک شرطنامه امضاله‌گن.
