سرپرست حکومت ایچکی ایشلر وزیرلیگی مسئوللری، اوشبو وزیرلیک نینگ بیر ییل‌لیک یوتوق‌لرینی پایله‌شیش برنامه‌ده، پولیس کوچلرینی مسلکی توزه‌تیش و امنیتی کوچلر اۉرته‌سیده هماهنگ‌لیک اورنه‌تیش بیلن، اۉتگن ییل گه نسبتن اولکه بویلب یخشی‌راق امنیت تأمینلنگنینی ادعا قیله‌دیلر.
مذکور وزیرلیک رسمی‌لری نینگ معلوماتی اساسیده، سرپرست حکومت پولیس کوچلری ملی و مذهبی مراسم‌لر خوفسیزلیگینی تأمینلب و حاضرگی کونده مملکت ده چمه‌سی ۷۰ آست قورمه لایحه‌نی قوریقله ماقده‌لر.
شو بیلن بیرگه، سرپرست حکومت ایچکی ایشلر وزیرلیگی گه کوره، پولیس کوچلری نینگ کشفی ظرفیتی ۹۰.۱ فایز آشیش بیلن، اۉتگن ییل گه نسبتن مملکت ده جنایی جرم سانی ۳۰ فایز کمه‌یگن.
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی سۉزلاوچیسی عبدالمتین قانع گه کوره: «پولیس کوچلری نینگ جنایی جریم گه قرشی کوره‌ش بولیمیده اۉتگن ییل گه نسبتن یخشی یوتوق‌لری بولگن، بو فعالیت‌لر اولکه بویلب جنایی جرم‌لر ۳۰ فایز کمه‌یشی گه سبب بولگن و یخشی یوتوق سنله‌دی.»
آدم اوغری‌لر گه قرشی ۲۵۰ عملیات یولگه قوییلیب و اولر نینگ ۷۶ نفری قولگه آلینیشی و ۳۴ نفری یوق اېتیلیشی، یالغیز پایتخت کابل شهریده چمه‌سی ۹۰ مینگ خوفسیزلیک کمره قوندیریلیشی، اوچ مینگ ۶۴۳ تُن بنگی‌وار ماده و اوشبو ماده نینگ پروسس قیلیش ۸۳۰ کارخانه تاپیلیشی و مملکت هوا قونالغه‌لریدن بیر میلیون ۹۵۰ مینگ دالر، ۸۴۵ مینگ یورو، تورت میلیون ۸۳۰ مینگ سعودی ریالی قاچاقی اونگی آلینیشی، بو وزیرلیک نینگ بیر ییل‌لیک یوتوق‌لریدن سنله‌دی.
بیزلرنینگ «ایکس» ترماغی ده هم تعقیب قیلینگ!
ایچکی ایشلر وزیرلیگی رسمی‌لری، حاضرگی کونده مملکت مقیاسیده خوفسیزلیک بوتونلی تأمین اېتیلگنیدن ایشانچ بیره‌دیلر.
سرپرست حکومت ایچکی ایشلر وزیرلیگی نینگ بیرینچی اورین باسری محمدنبی عمری گه کوره: «مملکت ده امنیت تأمین اېتیلگنی اوچون تشقی سیاح‌لر سانی کوپه‌یگن و مملکت اقتصادی ترقیاتی گه سبب بوله‌دی، تېکشیرولر اساسیده سۉنگی بیر ییل تینچ‌لیک بیلن اۉتگن مملکت نینگ بیر قطار منطقه‌لریده خوفسیزلیک واقعه‌لر کوزه‌تیلگن که پولیس کوچلری نینگ سعی-حرکتی طفیلی بیرینچی باسقیچ ده خنثی اېتیلگن.»
سرپرست حکومت رسمی‌لری، بو وزیرلیک نینگ بیر ییل‌لیک درآمدینی ۱۳ میلیارد ۴۷۱ میلیون افغانی و پولیس کوچلری سانینی کمیده ۲۵۰ مینگ کیشی اعلام قیلگنلر.