ایران مخدره ماده گه قرشی کوره‌ش بوییچه مسئوللری، مخدره ماده گه قرشی کوره‌ش هماهنگ قیلووچی شورا ییغیلیشی‌ده، افغانستان ده مخدره ماده نی ایشلب چیقریش مقداری کمه‌یشی گه عاید قوللریده حجت‌لری یوق‌لیگینی ایتگنلر.
ایران مخدره ماده گه قرشی کوره‌ش بوییچه باش کاتبی اسکندر مومنی، افغانستان ده صنعتی مخدره ماده ایشلب چیقریلیشی کوپه‌یگنی‌دن خواطر بیلدیریب ایتیشیچه، مخدره ماده گه قرشی کوره‌ش بو مملکت حکومتی نینگ بیرینچی ایش‌لریدن بولیشی کیره‌ک.
اونینگ کوپه‌یتیریشیچه: «افغانستان‌ده سنتی مخدره ماده‌لر کمه‌یشی گه گواه بولمه‌گن‌میز، بونگه قوشیمچه صناعتی مخدره ماده‌لر ایشلب چیقریلیشی هم کوپه‌یگن، مخدره ماده‌لرگه قرشی کوره‌ش ایران حکومتی نینگ بیرینچی ایش‌لریدن بولیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، سرپرست حکومت نینگ ایچکی ایشلر وزیرلیگی مسئوللری، افغانستان ده مخدره ماده ایکیلیشی آلدی آلینیشی گه تاکید‌لب ایتیشیچه، افغانستان ده مخدره ماده ایکیلیشی و قاچاقی صفر گه ییتیشگن.
ایچکی ایشلر وزیرلیگی نینگ مخدره ماده گه قرشی کوره‌ش اورین‌باسرلیک دفتری باشلیغی حسیب‌الله احمدی، باشقه مملکت‌لر گه مخدره ماده قاچاقی آلدی آلینیشی خصوصیده ایشانچ بیرگن.
اونینگ کوپه‌یتیریشیچه: «اسلام امیرلیگی دنیا گه مخدره ماده ایکیلیشی کمه‌یگنی نی ثابت قیلگن و اسلام امیرلیگی اوز سوزی گه توخته‌گن دیر و هیچ کیم گه رخصت بیرمه‌یدی. بو توغریده قولگه قیلگن کیشی نینگ عدلی نهادلر گه تاپشیریلیشی ممکن.»
باشقه بیر تامان‌دن، ایکینچیلیک، سوغاریش و چاروه‌چیلیک مسئوللری نینگ ایتیشلریچه، خشخاش ایکیلیشی تقیق‌لنگنی‌دن کیین، ولایت‌لرده بدیل ایکین ترقه‌تیلیش پروسه‌سی باشلنگن.
ایکینچیلیک، سوغاریش و چاروه‌چیلیک وزیرلیگی سوزلاوچیسی مصباح‌الدین مستعین نینگ ایتیشیچه، جاری قویاش ییل جریانیده، ایکینچیلر گه ۳۵ مینگ متریک تن اصلاح بولگن بوغدای اوروغی ترقه‌تیلیشی جریانی باشلنگن که اولر ارا، ۳۰ متریک تنی مملکت نینگ ۳۴ ولایتیده ترقه‌تیلیب و بو پروسه نینگ دوامی بار.
بیزلرنینگ فیسبوک صحیفه‌میزگه باش اورینگ!
جناب مستعین نینگ کوپه‌یتیریشیچه، اوشبو وزیرلیک خشخاش ایکیلیشی‌دن قول تارتگن برچه ایکینچیلر گه، کوپینچه آسایشته‌لیک یره‌تیش اوچون سعی و حرکت قیلماقده.
اونینگ ایتیشیچه: «ایکینچیلر خشخاش ایکیلیشی‌دن قول تارتگنلریدن کیین، بوغدای، پخته، زعفران، هنگ و باشقه بدیل ایکین کبی نرسه‌لر گه یوز کیلتیرگنلر و اوشبو وزیرلیک اولردن حمایت قیلیش اوچون کیمیاوی قره و آق کود ترقه‌تیش کبی فرقلی برنامه‌لر نی قولگه آلگن.»
ایتیش کیره‌ک که، افغانستان ده بیرلشگن ملت‌لر تشکیلاتی نینگ مخدره ماده و جرم‌لر گه قرشی کوره‌ش دفتری گه کوره، افغانستان ده خشخاش ایکیلیشی کمه‌یشی، ایکینچیلردن کوپینچه‌سی اوچون درآمد‌لری نینگ قولدن بیریش معناسی گه دیر. مذکور نهاد نینگ کوپه‌یتیریشیچه، تریاک ایکیلیشی خصوصیده درآمد کمه‌یشی، قیشلاغ‌ده‌گی عایله‌لر گه نامتناسب روش‌ده تاثیر قویگن.
