ساغلیقنی سقلش وزیرلیگی، بیرلشگن ملتلر تشکیلاتی جمعیت صندیغینینگ افغانستانده هر ایکّی ساعت ایچیده بیر آنه اولیشی گه دایر بیاناتی گه مناسبت بیلدیریب ایتیشیچه، سۉنگی اوچ ییلده، آنهلر و بالهلر اوچون مخصوص مرکزلر قوریلیب و اولرنینگ طبی خذمتلردن فایدهلنیشی آشگن. اوشبو وزیرلیکنینگ کوپهیتیریشیچه، بو مرکزلر کوپهیشی بیلن آنهلر و چقهلاقلرنینگ اولیمی کمهیگن.
ساغلیقنی سقلش وزیرلیگی سۉزلاوچیسی شرافت زمان امرخیل، بیرلشگن ملتلر تشکیلاتی جمعیت صندیغینینگ بو ادعالرینی رد و اونی «حقیقتدن اوزاق» دیگن.
بیزلرنینگ فیسبوک صحیفهمیزگه باش اورینگ!
اونینگ ایتیشیچه: «افغانستان اسلام امیرلیگی ساغلیقنی سقلش وزیرلیگی بو ادعالرنی واقعیت گه قرشی بیلهدی و تأکید قیلهدی- بو گَل رقم یالغان و مملکتده طبی ترقیات گه قرشی دیر. اسلام امیرلیگی قدرتنی آلگنیدن بیری آنهلر و بالهلر گه علیحده اعتبار قرتیلگن، طبی مرکزلر سانی آشیریلگن، قابلهلر و طبی خادملر سانی کوپهیگن.»
شو بیلن بیرگه، بیرلشگن ملتلر تشکیلاتی جمعیت صندیغینینگ اورین باسری آندرو سابرتن، ینگی بیاناتیده افغانستاننینگ ضعیف طبی تیزیمی، هر ایکّی ساعت ایچیده بیر آنه حاملهدار پیتیدهگی قیینیچلیک یا ولادت چاغیده اۉز جانینی قولدن بیریشیگه سبب بولگنینی اېتگن.
باشقه تاماندن، بعضی ولایتلرنینگ اوزاق منطقهلریده یشب کېلهیاتگن عایلهلردن بیرقطاری، ساغلیق مرکزلر اوزاقلیگی و قابلهلر یا که طبی خادملر آزلیگی، انده-سنده آنهلر و چقهلاقلرنینگ اولیمیگه سبب بولگنینی اېتهدیلر.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی جمعیت صندیغی گه کوره، افغانستانده بو نهاد تامانیدن قۉللب-قوتلنهدیگن ۹۰۰ کلینیکدن، امریکا یاردملری کمهیشی طفیلی اېندی یالغیز ۴۰۰ کلینیک فعال قالگن.
مذکور نهاد، کلینیکلر سانی کمهیشی مملکت مقیاسیده میلیونلب آنه و بالهنی حیاتی خذمتلردن فایدهلنه آلمسلیگیگه سبب بولگنینی بیلدیرگن.
