تشقی ایشلر وزیرلیگی بوگون (جمعه، ۷ دلو)، بیر اعلامیه ترقه‌تیب ایتیشیچه، اسلام امیرلیگی فلسطین نینگ جنین شهریده اسرائیل کوچلری نینگ «شفقت‌سیز» هجومی نی جدی شکلده قاره‌له‌یدی.
اعلامیه ده کیلگن که: «افغانستان اسلام امیرلیگی فلسطین نینگ جنین شهریده اسرائیل کوچلری نینگ شفقت‌سیز هجومی نی قاره‌له‌یدی و تنگری تعالی‌دن شهید‌لر گه مغفرت و یره‌دارلر گه عاجل شفا ایسته‌دی.»
بیزلرنینگ فیسبوک صحیفه‌میزگه باش اورینگ!
تشقی ایشلر وزیرلیگی نینگ اوشبو اعلامیه‌سیده، اسلام امیرلیگی دنیا‌دن «فلسطین نینگ مظلوم اهالی‌سی نینگ انسانی و اسلامی حقی مصون قالیشی اوچون، اسرائیل رژیمی نینگ انسان‌لر گه قرشی ظلم‌لری برابریده آواز چیقریب و اقدام قیلینگ.» دیب یازگن.
عین حالده، گزارش‌لر اساسیده، کرانه باختری گه اسرائیل کوچلری نینگ ینگی هجومی‌‌ده، بیر عیال شامل ۹ کیشی اولیب و اونلرچه کیشی یره‌لنگن. مذکور هجوم پنج‌شنبه کونی ایرتنگ چاغی ۲۶ جنوری، کرانه باختری‌ده فلسطین‌لیک آواره‌لر کمپ‌لریدن بیرده صورت تاپگن.
