«دولت نینگ ملت گه حساب‌بیریش» برنامه‌سی دوامی‌ده، بوگون چهارشنبه ملی ترقیات شرکت مسئوللری حکومت نینگ معلومات و رسانه‌لر مرکزیده یولگه قوییلگن خبری بیر ییغین‌ده ایتگنلر که، اوشبو شرکت پروژه‌لریدن ۶۴۸ ته‌سی نینگ ایشی توخته‌تیلگن دیر.
ملی ترقیات شرکتی نینگ مسئوللری گه کوره، مذکور شرکت ۱۱۲ میلیارد افغانی ارزشی بیلن ۶۹۲ پروژه گه ایگه دیر. اوشبو شرکت اوتمیش ییل‌ده، ۵۵ پروژه نی تکمیل قیلگن و بو آره‌ده کمیده ۲۶ پروژه نی فایده‌لنیش گه تاپشیرگن دیر.
بیزلرنینگ توییترده هم تعقیب قیلینگ!
ملی ترقیات شرکت مسئوللری نینگ ایتیش‌لریچه، حاضرگی وضعیت‌ده مذکور شرکت ۱۵پروژه ایشی نی قولگه آلگن و مالی حمایت بولگنی صورت‌ده، شونینگدیک باشقه بیر قطار پروژه‌لر نینگ تطبیق قیلینیشی خصوصیده حاضر دیر.
شونده‌ی بیرحالده، ملی ترقیات شرکتی نینگ اعلام قیلیشیچه، اوتمیش بیر ییل جریانیده اوشبو شرکت نینگ ۱ میلیارد و ۲۲۷ میلیون و ۳۲۶ مینگ افغانی قرضی توللنگن دیر.
ملی ترقیات شرکتی نینگ سوداگرلیک و ایشلب چیقارووچی ایشلری بوییچه انسجام اورین‌باسری ریاض‌الدین شریفی نینگ ایتیشیچه: «ملی انکشاف شرکتی ۶۹۲ پروژه گه ایگه دیر که اولردن اوتمیش ییل‌ده ۵۵ ته‌سی تکمیل بولگن و شونینگدیک ۲۶ پروژه فایده‌لنیش گه تاپشیریلگن. باشقه ۱۵ پروژه ایش آستیده قرار تاپیب و ۶۴۸ پروژه هم توخته‌تیلگن دیر.»
باشقه بیر تامان‌دن، ملی ترقیات شرکتی مسئوللری نینگ اعلام قیلیش‌لریچه، مذکور اداره غصب بولگن ۱ مینگ ۴۲۸دن آرتیق جریب ییر، ۵۵ دوکان، ۱ هوتل و ۱مکتب نی قیته آلیش گه موفق بولگن دیر.
بیزلرنینگ فیسبوک صحیفه‌میزگه باش اورینگ!
ملی ترقیات شرکتی نینگ اداری و مالی اورین‌باسری عبدالولی عادل نینگ ایتیشیچه: «شکر قیله‌میز که حاضر ایسه غاصب‌لر قولیگه غصب بولگن ییرلر و جایداد‌لر قیته آلیندی که بو اسلامی امارت حکومتی و ملی انکشاف شرکتی نینگ اونملی یوتوق‌لریدن دیر.»
جناب عادل نینگ کوپه‌یتیریشیچه، سوو، ایکینچیلیک، ساختمانی و تولیدی مدیریت بولیم‌لریده، بویوک پروژه‌لر نی قولگه آلگنلر.
عین حالده، اسلامی امارت حکومت نینگ مالی بیرینچی ییلی‌ده، مملکت‌ده انکشافی بولیم‌لرده بیراز بودیجه نظر گه آلینگن دیر.
