بوگون (شنبه، ۲۷_حوت)، خبرچیلر ملی کونی گه ماس دیر. افغانستان ایرکین میدیالریدن حمایت قیلووچی نهاد (نی)، اوشبو کون مناسبتی بیلن بیر اعلامیه ترقه‌تیب ایتیشیچه، بو ییل افغانستان خبرچیلری کوپینچه قیینچیلیکلر بیلن روپه‌ره بولگنی بیرحالده، خبرچیلر ملی کونی‌دن نشانلنهدی.
مذکور نهاد گه کوره، چمه‌سی اوچ آی ایچیده نی دفتریده خبرچیلر گه قرشی قریب ۳۰ زوره‌وانلیک واقعه قید ایتیلگن. نی نینگ یازیشیچه: «۲۰۲۳_ییل نینگ باشیدن حاضرگچه، خبرچیلر گه قرشی یوز بیرگن کوپینچه یامان واقعه‌لر گه گواه‌میز. نی دفتری ده کمیده اوچ آی ایچیده خبرچیلر گه قرشی قریب ۳۰ زوره‌وانلیک واقعه ثبت ایتیلگن. اوتگن هفته بلخ ده اویوشتیریلگن قانلی پارتلش عاقبتیده، ایکی خبرچی اولیب و باشقه ۱۶ خبرچی ایسه یره‌لنگندی.»
بیزلرنینگ فیسبوک صحیفه‌میزگه باش اورینگ!
افغانستان ایرکین میدیالریدن حمایت قیلووچی نهاد نینگ کوپه‌یتیریشیچه، افغانستان ده خبرچی‌لیک و رسانه ایشلری کونسه‌یین یامان‌لشماقده. نی نینگ اورغولشیچه، ییتکیرمه‌لردن قطاری اقتصادی و موجود قیینچیلیکلر سبب رسانه‌لری نینگ ایشیگی نی یاپگن و رسانه‌لر ایشیگی یاپیلگنی باعث، خبرچیلردن کوپ قطاری ایش‌سیز یا_ده مملکت نی ترک قیلیش گه مجبور بولگن.
مذکور نهاد نینگ بیان قیلیشیچه: «میلادی ۲۰۲۳_ییل اول‌لریده رسانه‌لر، خبرچیلر، رسانه‌یی و خبرچیلر فعالیتی اوچون بیرآز قیین بولگن ایدی و اوشبو ییل نینگ باشلنگنی‌دن کوپ اوتگنی یوق ایدی که خبرچیلر برابریده زوره‌وانلیکلر کوپه‌یشیگه گواه بولدیک.»
افغانستان ایرکین میدیالریدن حمایت قیلووچی نهاد، اوشبو اعلامیه‌ده مسئول رسمی‌لردن افغانستان ده سوز ایرکین‌لیگی و رسانه‌لر فعالیتی گه حرمت قایل بولیش‌لری و «سوز ایرکین‌لیگی گه کوپ‌راق زیان ییتیشمسلیگی» نی ایسته‌گن.
بیزلرنینگ توییترده هم تعقیب قیلینگ!
نی نینگ ایتیشیچه، ۲۷_حوت خبرچیلر ملی کونی افغانستان تقویمی ده ثبت ایتیلگن و هر ییلی مملکت مقیاسیده اوشبو کوندن نشانلنهدی. مذکور نهاد، اوشبو کون نی خبرچیلر گه قوتلوق‌لشگه قوشیمچه، افغانستان ژورنالیست‌لر جماعه‌سی گه اوستون‌لیکلر آرزو قیلگن.
