باش‌پناه ایزلاوچیلر ایشلری بوییچه بیرلشگن ملت‌لر تشکیلاتی نینگ عالی کمیشنری، افغانستان ده میلیون‌لرچه باله نینگ تعلیم‌دن محروم قالگنی نی ایتگن که، اولردن یوز فایزدن آرتیغی نی قیزلر تشکیل بیره‌دی.
باش‌پناه ایزلاوچیلر ایشلری بوییچه بیرلشگن ملت‌لر تشکیلاتی نینگ عالی کمیشنر اورین‌باسری کلی تی کلمنتز، هرات ده‌گی مکتب‌لردن بیری گه باریب کوریش جریانیده، بیلیم برچه اوچون حیاتی بیر نیاز دیه تأکید ایتگن.
بیزلرنینگ توییترده هم تعقیب قیلینگ!
او توییتر صحیفه‌سیده یازیشیچه، افغان عیال‌لری اقتصاد رواجلنیشی اوچون بوتونلی شرکت قیله‌دیلر و شونینگدیک اوشبو عیاللر رهبرلیکده هم شرکت قیلیشلری کیره‌ک. کلمنتز کوپه‌یتیرگن که «اوشبو قیین‌چیلیکدن کوپ مقداری نی هرات ده کوردیم. اولر بو قیین‌چیلیکلر گه قرشی ینه هم امیدلری بار.»
شونده‌ی بیرحالده، افغانستان ده اسلامی امارت نینگ قدرت گه ایریشگنیدن کیین، عیاللر دولتی نهاد‌لرده ایش قیله آلمه‌ی و شونینگدیک ۶ صنف‌دن یوقاری قیزلرگه مکتب باریش رخصتی بیریلمه‌گن.
بیزلرنینگ فیسبوک صحیفه‌میزگه باش اورینگ!
بولر گه علاوه، عیاللر و قیزلر گه اجتماعی ساحه‌لرده هم بیر قطار چیکلاولر یره‌تیلگن. گرچند خلق‌ارا نهادلر نیچه مرته اوشبو چیکلاولر نینگ اورته‌دن کیتیشی خصوصیده تاکید قیلگن؛ بیراق حاضرگچه اولر نینگ سعی و حرکت‌لری نتیجه بیرمه‌گن.