مملکت نینگ ۱۶ ولایتیده سونگی ایکی کونده چنگ و توپه‌لنگ کوچه‌یشی بیلن، ترانسپورت و هوانوردلیک وزیرلیگی نینگ هواشناس‌لیک ریاستی مسئوللری، اوشبو ییل سپتامبر آیی گچه نسبتن کوچلی چنگ و توپه‌لنگ دوام تاپیشیدن آگاه‌لنتیرگن.
هواشناس‌لیک ریاستی باشلیغی محمدنسیم مرادی گه کوره، اوشبو چنگ و توپه‌لنگ هرات، فراه، نیمروز، قندهار، هلمند، بادغیس، فاریاب، جوزجان، بلخ، مرکزی و شمال غربی قطار ولایت‌لرده دوام تاپیشی ممکن.
بیزلرنینگ فیسبوک صحیفه‌میزگه باش اورینگ!
او نینگ کوپه‌یتیریشیچه: «نسبتن کوچلی چنگ و توپه‌لنگ هر ییلی شرق و غرب تامان‌لریدن چول‌لر آرقه‌لی افغانستان گه کیره‌دی و ۱۲۰ کون‌لیک توپه‌لنگ یاد بوله‌دی.»
باشقه تاماندن، نیمروز و قندوز یشاوچیلریدن بیرقطاری نینگ ایتیشلریچه، نیچه هفته دن بویان چنگ دوام تاپماقده و اولر نینگ تنفسی و تیری کسل‌لیککه چلینیش‌لری گه سبب بولگن.
قندوز یشاوچیسی عبدالکریم و نیمروز یشاوچیسی فریبا گه کوره، سونگی ایکی کون ده اوشبو توپه‌لنگ‌لر کوچه‌یب و اولر گه زیان ییتکیزگن.
قندوز یشاوچیسی عبدالکریم نینگ ایتیشیچه: «۱۰ کوندن بیری چنگ و توپه‌لنگ دیر، سونگی ایکی کونده آب‌وهوا افلاس‌لنگن، نیچه مرته کسل بولدیک، حیوان‌لر و اوسیم‌لیک‌لر قوریب قالگن.»
نیمروز یشاوچیسی فریبا نینگ کوپه‌یتیریشیچه: «اوتگن ییل گه نسبتن بو ییل توپه‌لنگ‌لر کوچه‌یگن، چونکه قورغاقچیلیک دیر، سونگی ایکی کونده هوا کوپ افلاس‌لنگن و حتا چپر پوش بولگن دکان‌لر و اوی‌لر نینگ تابلولرینی بوزیب تشله‌گن.»
بیزلرنینگ توییترده هم تعقیب قیلینگ!
یشش محیط و ساغلیک ایش بیلرمان‌لری، کیکسه کیشی‌لر، باله‌لر اوی دن چیقمه‌ی و باشقه کیشی‌لر ماسک دن قوللنیش‌لری اوستیده تأکید ایته‌دیلر.
یشش محیط ریاستی نینگ هوا افلاس‌لیگینی کنترول قیلیش آمری طوفان جبران گه کوره: «اولکه یشاوچیلری اینیقسه کیکسه کیشی‌لر و باله‌لر اوی دن چیقمه‌سین‌لر و باشقه کیشی‌لر ماسک تاقسین‌لر.»
وزیرمحمد اکبرخان کسلخانه‌سی ده ایچکی کسل‌لر متخصصی سیدفرید نینگ ایتیشیچه: «افلاس هواده یشاوچیلردن ماسک تاقیش‌لرینی ایسته‌ی من، کیکسه و تنه‌لری مقاومتی ضعیف بولگنلر اوی دن چیقمه‌سین‌لر.»
اوتگن کون ایران هواشناس‌لیک اداره‌سی، اوشبو مملکت نینگ قطارولایت‌لریده چنگ و توپه‌لنگ کیله‌سی هفته نینگ چهارشنبه کونیگچه دوام تاپیشینی معلوم قیلگن بیرحالده، افغانستان هوانوردلیک ریاستی سپتامبر آی گه قدر چنگ و توپه‌لنگ دوام تاپیشیدن آگاه‌لنتیرگن.