میدان‌وردک ساغلیک نی سقلش مسئوللری نینگ ایتیش‌لریچه، اوتمیش ییلر گه قره‌گنده اوشبو ولایت‌ده آنه‌لر اولیمی میزانی کمه‌یگن دیر.
اوشبو خبری ییغین‌ده میدان‌وردک عامه ساغلیک ریاست رئیسی زرک زیرک نینگ ایتیشیچه، اوتمیش بیر ییل‌ده اوشبو ولایت‌ده کمیده ۲۰ مینگ باله توغیلگن که بو آره‌ده یالغیز ۵ آنه ولادت چاغیده جان بیرگن.
بیزلرنینگ فیسبوک صحیفه‌میزگه باش اورینگ!
عامه ساغلیک ریاست رئیسی نینگ کوپه‌یتیریشیچه، حاضر ولایت بویلب ساغلیک بولیمیده ۱۲۰ عیال ایشله‌یدی که بوتون ولایت‌ده فعالیت قیله‌دیلر.
میدان‌وردک ده ساغلیک ایشلاوچیلریدن بیری ظریفه نینگ ایتیشیچه، اوشبو ولایت‌ده ساغلیک قیین‌چیلیک‌لر اوتمیش ییل‌لر گه قره‌گنده حل بولگن و شونینگدیک خوفسیزلیک تهدیدلر کمه‌یگن.
بیزلرنینگ توییترده هم تعقیب قیلینگ!
میدان‌وردک محلی مسئوللری مذکور ولایت‌ده آنه‌لر اولیمی میزانی کمه‌یگنیدن خبر بیرگنلری بیرحالده، بیراق یشاوچیلردن قطاری نینگ ایتیش‌لریچه، حاضرگچه اوزاق منطقه‌لرده ولادت‌لر اویلرده و نادرست بیر شکلده انجام بیریله‌دی.
شونده‌ی بیرحالده، بیرلشگن ملت‌لر تشکیلاتی نینگ جمعیت صندوغی بیر گزارش ترقه‌تیب و اعلام قیلگن که، افغانستان آسیا بویلب آنه‌لر اولیمی میزانی کوپهیگن مملکت دیر. مذکور نهاد ایتگن که، هر ایکی ساعت‌ده افغانستانده بیر عیال توغماق قیین‌چیلیگی باعث، جان بیره‌دی.
