بوگون (شنبه ۱۸- دلو) جمهورلیک ریاست سابق اورین‌باسری مارشال عبدالرشید دوستم، جمهورئیس ییریک مصلحتچیسی محمد محقق بیلن جوزجان مرکزی شبرغان شهریده یوزلرچه طرفدارلری نینگ برابریده حضور تاپیب ایتیشیچه، اولکه و حاکمیت خطر گه دیر. اونینگ ایتیشیچه، برچه کیشی برقرارلیک و بیرلیک اوچون تیارله‌نیشی کیره‌ک.
مارشال دوستم گه کوره، طالبان تینچلیک سوزلشوولری نی چیککه گه قوییب و افغانستان تینچلیگی توغریسیده تشقی مملکتلر بیلن صحبت اوتکزماقده. اونینگ کوپه‌یتیریشیچه، بونده‌ی ایشلر ناامید قیلووچی دیر.
جناب دوستم گه کوره، تینچلیک خصوصیده حربی باسیم تعیین قیلووچی دیر، بیراق طالبان نینگ ایشلری برابریده جیم توریش، قتناویوللر و تومنلرنینگ سقوط قیلیشی گه سبب بوله‌دی. اونینگ اورغولشیچه، بونده‌ی بیر وضعیت گه برچه بیر بولیب و قرمه‌قرشیلیک‌لرنی چیککه گه قوییش‌لری کیره‌ک.
جمهورلیک ریاستی نینگ ییریک مصلحتچیسی محمد محقق، بوگون رسمی بیر سفر گه جوزجان بارگن. اونینگ ایتیشیچه، اوروش یکونله‌نیشی و عزتلی بیر تینچلیک نی کوتیب تورگنلر و میدان نینگ هیچ قچان دشمن گه بوش قویمه‌دیلر. جناب محقق گه کوره، اهالی نینگ باشی کیسیلیشی اوچون دشمن‌لرگه فرصت بیریلمه‌یدی.
جناب محقق نینگ کوپه‌یتیریشیچه، اهالی حاضرگی شرایط‌ده بیر بولیب و نابرابرلیککه قرشی توریش‌لری کیره‌ک. شونده‌ی بیرحالده، جوزجان یشاوچی‌لری بو ولایت خوفسیزلیک وضعیتی نی یمان و فاجعه‌لی دیب و مرکزی حکومتدن بو توغریده جیم تورمه‌یشی نی سوره‌شگن.
