قندوزنینگ تورلی تومنلریده دهقانلردن قطارینینگ ایتیشلریچه، اوتگن نیچه کون ایچیده مراکش چیگیرتکهلری اولرنینگ ایکینزارلریگه هجوم قیلگن.
اولرنینگ کوپهیتیریشلریچه، ایکینزارلریگه چیگیرتکهلر هجومی آلدی آلینمهگنی صورتده، اینگ یقینده دهقانلرنینگ درآمد منبعلری و محصوللریدن کوپ بولیمینینگ اورتهدن کیتیشی ممکن.
بیزلرنینگ فیسبوک صحیفهمیزگه باش اورینگ!
قندوزنینگ دشتارچی تومنیدهگی دهقانلردن عبدالرحیمنینگ ایتیشیچه، مراکش چیگیرتکهلرینینگ ایکینزارلریگه هجوم قیلیشی بیلن محصوللریدن بیر بولیمی اورتهدن کیتگن. اونینگ کوپهیتیریشیچه: «نیچه کوندن بیری چیگیرتکهلرنینگ هجوم قیلگنینی فکریمیز بولگن؛ باشده آز ایدی و حاضر ایسه کوپهیگن. اوشبو چیگیرتکهلر برچه سبزهواتنی ییگن. بیزلر بو موضوعنی ایکینچیلیک ریاستی بیلن شریک قیلگنمیز.»
شونینگدیک قندوز ولایتی امامصاحب تومنیدهگی دهقانلردن غفور عربنینگ ایتیشیچه: «بیر مقدار دارو سیپدیم؛ بیر تامان گه دارو سیپسهک باشقه بیر تامان قالهدی. چیگیرتکهلرنینگ تاپیلگنیدن نیچه هفته بولگن و تیارگرلیک آلیش گه وقت تاپه آلمهدیک. جودهیم کوپ زیان ییتیشتیرگن.»
قندوزنینگ چهاردره تومنیدهگی دهقانلردن باشقه بیری احمداللهگه کوره، مراکش چیگیرتکهلری بیلن قرشی کورهش یوللری حقیده دهقانلرگه آگاهیلیک بیریش اوچون کوپینچه برنامهلر اوتکزیلشی کیرهک. «چیگیرتکهلر گه قرشی کورهش اوچون قندهی تیارگرلیک آلینیش نی بیان قیلدیلر و چیگیرتکهلرنینگ هجوم قیلهدیگن منطقهلرنی تانیشتیردیلر.»
باشقه بیر تاماندن، قندوز ایکینچیلیک، سووغاریش و چاروهچیلیک ریاستینینگ اوسیملیکلرنی سقلش عمومی مدیری عبدالشکور وهابزی، اوشبوولایتدهگی ایکینزارلرگه مراکش چیگیرتکهلری هجومی نی تصدیقلب و ایتیشیچه، بو قیینچیلیککه قرشی کورهش اوچون بیر برنامهنی قولگه آلگنلر. اونینگ کوپهیتیریشیچه: «چیگیرتکهلر بیلن قرشی کورهش کمپاینی باشلنگن و بو کمپاین دشتارچی، امامصاحب، چهاردره، قلعهی زال، علیآباد و آقتاش تومنلریده عملگه آشیریلهدی. مکمل جهازلریمیز بار و چیگیرتکهلرگه قرشی کورهش کمپاینی تطبیق بولیشی اوچون هیچ قندهی قیینچیلیک یوق.»
بیزلرنینگ «ایکس» ترماغی ده هم تعقیب قیلینگ!
قندوز بیلیم یورتینینگ اوسیملیکلرنی سقلش فاکولتهسی استادی عبدالباقی روستاییگه کوره، هوا اوزگریشلری و افغانستان طبیعی منبعلریدن درست مدیریت بولمسلیگی، بو ولایت ایکینزارلریده چیگیرتکهلر هجومی توغریسیده رولی بار. «چیگیرتکهلرنینگ ایکی تور وضعیتی بار، بیرینچیسی یکه و باشقهسی ایسه مهاجرتلی؛ یکه حالتی اونچهلیک خواطرلنتیرووچی ایمس و اولر تیپهلرده تولید قیلیب و اوشه ییردهگی یاوایی اوتلردن فایدهلنهدیلر؛ بیراق مهاجرتی و یا-ده هجومچی حالتیده کوپینچه شکلده هجوم قیلهدیلر و ایکینزارلر گه زیان ییتیشتیرهدیلر.»
قریب ۱۰ کون آلدین، بیرلشگن ملتلر تشکیلاتینینگ آزیق-آوقت و ایکینچیلیک تشکیلاتی، قندوز، بغلان، تخار، سمنگان و بلخ ولایتلرینینگ چیگیرتکهلر تهدید قیلیشینی معلوم قیلگن ایدی.
