بوگون (سه‌شنبه، ۱۸-میزان/ ۱۰-اوکتوبر)، خلق‌ارا روحی سلامت‌لیک کونی گه ماس دیر. بو بیلن بیرگه، افغانستان ده خلق‌ارا ساغلیق‌نی سقلش نماینده‌لری نینگ ایتیشلریچه، اوشبو مملکت نینگ ۸۵ فایزی اوزون مدت‌لی اوروش‌لر سبب، زیان ییتیشه‌دیگن واقعه‌لر قربانی‌سی یا_ده شاهدی بولیب که نتیجه‌ده، افغانستان جمعیتی‌دن یریمی روحی قیین‌چیلیک‌لر بیلن روپه‌ره دیر.
افغانستان ده ساغلیق‌نی سقلش تشکیلاتی نماینده‌سی علی‌رضا نوروزی، بوگون کابل ده ساغیلق‌نی سقلش وزیرلیگی‌ده خلق‌ارا روحی سلامت‌لیک کونی مناسبتی بیلن یولگه قوییلگن بیر ییغین‌ده ایتیشیچه، حاضر ایسه روحی کسللیکلر گه چلینگن کسل‌لردن یالغیز ۱۲ فایزی، دارو_دوالنیش اوچون تلاش قیلماقده‌لر.
بیزلرنینگ «ایکس» ترماغی ده هم تعقیب قیلینگ!
جناب نوروزی نینگ کوپه‌یتیریشیچه: «افغانستان جمعیتی‌دن یریمی روحی قیین‌چیلیک بیلن روپه‌ره دیر. افغانستان یشاوچیلریدن قریب ۸۵ فایزی بعضی زیان ییتیشتیره‌دیگن واقعه‌لر گه شاهد بولگن. ۵ کیشی‌دن بیر ته‌سی روحی قیینچیلیککه دوچ دیر. جمعیت‌دن قریب یریمی استرس و تشویش و باله‌لردن ۳۹ فایزی ایسه عاطفی قیین‌چیلیک‌لر گه روپه‌ره دیر.»
ساغلیق‌نی سقلش تشکیلاتی نماینده‌سی نینگ اورغولشیچه، اوشبو نهاد روانشناسلر نینگ ظرفیتی نی آشیریش مقصد، مدیریت نینگ بیللی قیلیش و کسل‌لر نینگ درمان‌لنیشی اوچون افغانستان ساغلیق‌نی سقلش وزیرلیگی بیلن همکارلیک قیله‌دی.
شونده‌ی بیرحالده، روانشناسلردن قطاری کون اوتیشی بیلن روحی کسل‌لر سانی کوپه‌یشی و مملکت‌ده مصلحتچی شفاکارلر کم‌لیگی‌دن آگاه‌لنتیرگن.
مذکور ییغین گه شرکت قیلگن روانشناسلر نینگ سلام‌وطندار گه ایتیشلریچه، حاضر ایسه اوتگن ییل‌لر گه قره‌گنده روحی کسللیکلر گه چلینگنلر کسل‌لر سانی نیچه برابر بولگن؛ بیراق امکانیت و مصلحتچی شفاکارلر سانی برچه کسل‌لر اوچون ییترلی ایمس.
اوشبو ییغین گه شرکت قیلگن روانشناسلردن بیری واصل‌شاه ابراهیمی نینگ ایتیشیچه: «اینگ یوقاری رقم خاتین-قیزلر آره‌سیده دیر. مراجعت قیلووچی سانی کوپه‌یماقده. اهالی‌دن ۹۰ فایزی روحی قیین‌چیلیک‌لر بیلن روپه‌ره دیر. دولت بو توغریده توجه قیلمه‌گن، بیر یا-ده ایکی مصلحتچی شفاکار نینگ بولیشی کیره‌ک.»
شونینگدیک بو ییغین‌ده‌‌گی روانشناسلردن باشقه بیری لیزاحقجو عزیزی نینگ ایتیشیچه: «مراجعت قیلووچیلر سانی کوپه‌یگن، کونده ۱۰۰ مراجعت قیلووچی بار. ایشلاوچی آز دیر. برچه نینگ قیین‌‌چیلیگی نی حل قیله آلمه‌یمیز. یالغیز ۴۰ کیشی بیلن صحبت قیله آله‌میز و کسل‌لر سانی کون اوتیشی بیلن کوپه‌یه‌دی. اوتگن ییل‌لرده ۱۵-۲۰ کیشی مراجعت قیله‌ر ایدی.»
بیزلرنینگ فیسبوک صحیفه‌میزگه باش اورینگ!
عین حالده، ساغلیق‌نی سقلش وزیرلیگی نینگ روحی ساغلیق دیپارتمت عمومی مدیری نصاراحمد شمس نینگ ایتیشیچه، مذکور وزیرلیک ۲۰۲۲-ییل‌ده روحی قیینچیلیککه روپه‌ره بولگن ایکی یریم میلیون‌دن آرتیق کیشی گه، دستلبکی روان‌شناس‌لیک خذمت‌لری نی ارائه قیلگن دیر. «روحی قیین‌چیلیک‌لر کوپراق عیاللر آره‌سیده دیر. اقدام‌لر نی انجام بیرمه‌گنی‌میز صورت‌ده، آمار کوپه‌یماقده و هر ایکی کیشی‌دن بیرته‌سی روحی کسل‌لیککه دوچ دیر.»
عین حالده، ساغلیق‌نی سقلش وزیرلیگی نینگ خذمت‌لر عرضه قیلووچی بولیمی معینی حبیب‌الله آخوند‌زاده حامد نینگ ایتیشیچه، مذکور وزیرلیک روحی قیینچیلیککه دوچ بولگن کسل‌لر نینگ درمانی اوچون، ییترلی و مخصوص بودجه‌سی یوق و خلق‌ارا یاردم بیرووچی تشکیلات‌لر بو توغریده هیچ قنده‌ی توجه قیلمه‌گنلر.
