لوگر ولایتی کسلخانهسی مسئوللری نینگ ایتیشلریچه، یک‌شنبه کونی، ۲۷ حمل، اوشبو ولایت نینگ کسلخانه‌لریدن بیری ده بیر عیال تورت ایگیزک دنیا گه کیلتیرگن.
لوگر ولایتی کسلخانهسی باشلیغی صدیق‌الله نینگ سلام‌وطندار گه ایتیشیچه، مذکور تورت ایگیزک‌لر لوگر ولایتی برکی برک تومنی «شاه‌مزار» منطقه‌سیده دنیا گه کیلگن.
بیزلرنینگ فیسبوک صحیفه‌میزگه باش اورینگ!
لوگر ولایتی کسلخانهسی باشلیغی نینگ کوپه‌یتیریشیچه، اوشبو تورت ایگیزک‌لر اوچ قیز و بیر باله دیر و ساغلیک احوال‌لری هم یخشی دیر.
عین‌حالده، مذکور چقه‌لاق‌لر نینگ آته‌سی عبدالغنی نینگ سلام‌وطندار گه ایتیشیچه، تورت ایگیزک آته‌سی بولگنی و خاتینی نینگ ساغلام‌لیگیدن خورسند دیر.
او نینگ کوپه‌یتیریشیچه، اقتصادی احوالی یخشی ایمس و اوشبو باله‌لردن یخشی مراقبت قیله آلمه‌یدی.
بیزلرنینگ توییترده هم تعقیب قیلینگ!
عبدالغنی دولتی نهادلر و انسان پرور مؤسسه‌لردن، باله‌لریدن مراقبت قیلیش اوچون اونگه یاردم بیریش‌لرینی طلب قیله‌دی.
شو بیلن بیرگه، لوگر محلی مسئوللری، مذکور چقه‌لاق‌لردن مراقبت قیلیش اوچون عایله‌سی گه نقدی یاردم بیرگن‌لرینی ایته‌دیلر.