لوگر ده «نایب امین‌الله خان لوگری» ولایتی کسل‌خانه‌سیده‌گی کسل‌لردن قطاری نینگ سلام‌وطندار گه ایتیشلریچه، اوشبو کسل‌خانه‌ده بستری بولگن کسل‌لر سانی، اوتمیش گه قره‌گنده ایکی برابر بولگن و ولایتی کسل‌خانه‌ده کسل‌لر اوچون موجود امکانیت ییترلی ایمس. اولر نینگ کوپه‌یتیریشلریچه، «نایب امین‌الله خان لوگری» ولایتی کسل‌خانه‌سی، کسل‌لر نینگ دوالنیشی و بستر بولیشی اوچون ییترلی جایی یوق و شونینگدیک شفاکار و دارو کم‌لیگی بیلن روپه‌ره دیر.
بو توغریده «نایب امین‌الله خان لوگری» ولایتی کسل‌خانه‌سیده‌گی کسل‌لردن عصمت‌الله نینگ ایتیشیچه: «ولایتی کسل‌خانه‌ده کسل‌لر اوچون منظم بیر مکان توزه‌تیلیشی نی ایسته‌یمین، بستر سانی نی کوپه‌یتیرسینلر، کسلخانه خصوصیده اعتبار قره‌تیلیب و کسلخانه گه خذمت‌لر ارائه بولسین. بیر کسل اوچون توزه‌تیلگن اتاق‌ده، بیر کسل بار.»
شونینگدیک بو توغریده «نایب امین‌الله خان لوگری» ولایتی کسل‌خانه‌سیده‌گی کسل‌لردن باشقه بیری طلا‌خان ننیگ ایتیشیچه: «پلعلم شهری نینگ بخش‌آباد ساحه‌سیدن کیلگن‌مین. نیوره‌م کسل دیر. کسلخانه جوده‌یم کیچیک؛ کسل‌لر و کسل‌دارلر کوپینچه قیین‌چیلیک‌لر بیلن روپه‌ره دیر. کسلخانه بسترلری سانی کوپه‌یشی و دارو یاردم بیریلیشی نی ایسته‌یمیز.»
بیزلرنینگ فیسبوک صحیفه‌میزگه باش اورینگ!
لوگر نینگ خوشی تومنیدن اوشبو ولایت نینگ ولایتی کسل‌خانه‌سی گه بارگن نجیب‌الله نینگ سلام‌وطندار گه ایتیشیچه، اهالی اقتصادی اوتمیش گه قره‌گنده ضعیف بولگن و انه شوو سبب، لوگر ولایتی تومن‌لری و پلعلم شهریده دولتی کسلخانهلر و ساغلیق مرکزلردن کسل‌لر سانی کوپهیگن.
اونینگ کوپه‌یتیریشیچه، ساغلیق‌نی سقلش وزیرلیگی پلعلم شهریده «نایب امین‌الله خان لوگری» کسل‌خانه‌سیده‌گی کسل‌لر و کسل‌دارلر قیین‌چیلیگی نی درست شکلده حل قیلیشی کیره‌ک.
نجیب‌الله اورغولشیچه: «جراحی عملیات قیلیش اوچون خوشی تومنیدن کیلگن‌مین. اوشبو کسل‌خانه‌ده کسل‌لر سانی کوپهیگن؛ چونکه اهالی اقتصادی ضعیف بولگن و دولتی کسلخانهلرده دارو خذمت‌لر رایگان دیر. شفاکارلر و بسترلر نینگ کوپه‌یشی کیره‌ک و شونینگدیک اوشبو کسل‌خانه‌ده برق قیین‌چیلیگی نینگ حل بولیشی کیره‌ک.»
شونینگدیک «نایب امین‌الله خان لوگری» نینگ ۱۵۰ اورین‌لی کسلخانه اورین‌باسری گل‌اسلام بره‌کی نینگ ایتیشیچه، مذکور کسلخانه بنا نینگ ستندر‌دسیزلیک قیین‌چیلیگی بیلن روپه‌ره دیر.
اونینگ کوپه‌یتیریشیچه، کونده اورته شکلده ۱۲۰۰ کسل محمدآغه، بره‌کی برک، چرخ و خوشی تومن‌لریدن «نایب امین‌الله خان لوگری» نینگ ۱۵۰ اورین‌لی کسل‌خانه‌سی گه مراجعت قیله‌دی و اولر گه موجود امکانیت‌لر ییترلی ایمس.
«نایب امین‌الله خان لوگری» نینگ ۱۵۰ اورین‌لی کسلخانه اورین‌باسری نینگ کوپه‌یتیریشیچه: «ستندرد بنا‌میز یوق، معاینه قیلیش اوچون امکانیت یوق. کسل‌خانه‌ده کسل‌لر سانی کوپهیگن، اوتگن بیر کونده ۱۲۰۰ کیشی مراجعت قیلگن ایدی؛ حقیقت‌ده بو رقم نینگ ۶۰۰ کیشی بولیشی کیره‌ک. حاضر ایسه ۱۰۰ کسل بسترده که عیال‌لر، ایرکک‌‌لر و باله‌لر دیر.»
بیزلرنینگ «ایکس» ترماغی ده هم تعقیب قیلینگ!
شونینگدیک لوگر ساغلیق‌نی سقلش ریاستی سوزلاوچیسی فهیم‌الله لودین نینگ سلام‌وطندار گه ایتیشیچه، «نایب امین‌الله خان لوگری» ولایتی کسلخانه قیین‌چیلیگی نی، ساغلیق‌نی سقلش وزیرلیگی و خلق‌ارا نهاد‌لر بیلن جریان گه قویب و اوشبو کسلخانه قیین‌چیلیک‌لری نینگ مکمل شکلده حل بولینیشی نی کوتیب تورگنلر.
اونینگ کوپه‌یتیریشیچه: «کسلخانه ده کسل‌لر گه خذمت‌لر عرضه قیلینماقده، جای کم‌لیگی بیلن روپه‌ره‌میز، خذمت‌لر اوچون مناسب جایی‌میز یوق. اوسکونه‌لر نینگ سقلش اوچون جایی‌میز یوق. بو قیین‌چیلیک‌لر نی تیگیشلی مسئوللر بیلن جریان گه قویگن‌میز و تیزلیککه حل بولیشی ممکن.»
مسئوللر گه کوره، «نایب امین‌الله خان لوگری» کسل‌خانه‌سی ۱۵۰ اورین بیلن، پلعلم شهری یشاوچیلری اوچون قوریلگن دیر؛ بیراق حاضر ایسه محمدآغه، بره‌کی برک، چرخ و خوشی تومن‌لریدن هم یوزلب کسل دوالنیش اوچون مذکور کسلخانه گه مراجعت قیله‌دیلر که بستر و امکانیت کم‌لیگی سبب، کونده ناامید بولیب و اوی‌لر گه قیته‌دیلر.
