ننگرهار مرکزی جلالآباد شهری یشاوچیلریدن قطارینینگ ایتیشلریچه، بو شهرده جمعیت کوپهیشی بیلن بیرگه قبرستان اوچون ییر کملیگی، یشاوچیلرنی قیینچیلیک بیلن روپهره قیلگن.
جلالآباد شهری بیرینچی ناحیه یشاوچیلریدن نورجلالنینگ ایتیشیچه، بیر آی آلدین جیینی فوت قیلگن، لیکن اونینگ توپراققه تاپشیریش اوچون یشش محللری یقینیدهگی قبرستانلرده جای یوقلیگی سبب، اونی حیات کیچیرهدیگنلری محلدن اوزاقده، جلالآباد شهرینینگ تورتینچی ناحیهسیده توپراققه تاپشیرگنلر. «یشش محلیمیزده ایکی-اوچ قبرستان بار، بیراق کیچیک دیر و حاضر تولگن هم. جیینیم فوت قیلگنیده، بو ییرده هیچ جای تاپه آلمهدیک. کیین «مقامخان» قبرستانیده بیراز جای تاپدیک و او ییرده توپراققه تاپشیردیک. مذکور قبرستان هم تولگن. دولت، شهر یقینیده قبرستان اوچون ییر اختصاص بیرگنی صورتده، بو توغریده یشاوچیلر قیینچیلیگی حل بولهدی.»
بیزلرنینگ فیسبوک صحیفهمیزگه باش اورینگ!
جلالآباد شهری یشاوچیلریدن قطارینینگ ایتیشلریچه، بو شهرده یشاوچیلردن کوپ قطاری ایکینچیلیک ییرلرینی یشش اویلر قوریلیشی مقصد ساتگنلر، بیراق قبرستانلر اوچون هیچ بیر جای نظرگه آلینمهگن که بو ایش، اولگن کیشیلرنینگ توپراققه تاپشیریلیشی اوچون شهرده ییترلی جای قالمسلیگیگه سبب بولگن.
جلالآباد شهری یشاوچیلری، سرپرست حکومتدن قبرستان کملیگی قیینچیلیگی حلی اوچون عملی اقداملر بولینیشینی ایستهگنلر. بو توغریده اوشبو شهر ایکینچی ناحیه یشاوچیلریدن نبیاللهنینگ ایتیشیچه: «جایداد مالکلریدن یشاوچیلر قیینچیلیکلری حلی اوچون ییرلریدن بیر قسمتینی تینگری رضاسی مقصد اهالیگه اختصاص بیریشلرینی ایستهیمیز که اولگن کیشیلرنینگ توپراققه تاپشیریلیش قیینچیلیگی حل بولسین.»
شونینگدیک قبرستان کملیگی توغریسیده بو شهر یشاوچیلریدن باشقه بیری اسماعیلنینگ ایتیشیچه: «شهرده قبرستانلر آز دیر. بیر کیشی اولگنیده جنازه نی قبرستانلرگه آلیب کیتهدیلر و اهالی شخصی قبرستانلرینی اوزلریگه اختصاص بیرگنلر و باشقه کیشینینگ دفن بولیشیگه رخصت بیرمهیدیلر. دولتی قبرستان هم یوق.»
جلالآباد بلدیه مسئوللریگه کوره، اولگن کیشیلرنینگ توپراققه تاپشیریلیشی اوچون جای کملیگی قیینچیلیگی حلی مقصد، کیلهجکده شهرده ینگی اوچ ناحیهنی قوریش بیلن، قبرستان اوچون بیللی جایلر اختصاص بیریلیشینی نظرگه آلگنلر.
بیزلرنینگ «ایکس» ترماغی ده هم تعقیب قیلینگ!
جلالآباد بلدیه سوزلاوچیسی حامد محمودینینگ ایتیشیچه: «کوپینچه نفوسی بولگن جلالآباد شهریده، یشاوچیلردن قطاری قبرستان اوچون ییر کملیگیدن شکایت قیلهدیلر. جلالآباد بلدیهسی ینگی اوچ ناحیه قوریلیشی اوچون ایشنی باشلهگنلر که اینگ یقینده یکونلنیشی ممکن. بو ناحیهلرده باشقه خذمتلر یانیده قبرستانلر اوچون بیر قطار ییرلرنینگ اختصاص بیریلیشی ممکن.»
ننگرهار مرکزی جلالآباد، حاضر توقیز ناحیه گه ایگه بولیب، شرقی ولایتلر یشاوچیلری یانیده، باشقه ولایتلر یشاوچیلری هم بو ولایتده حیات کیچیرهدی و پاکستان دن قاچقینلرنینگ قیتیشی بیلن بو شهر جمعیتی کوزگه کورینهرلی درجهده کوپهیگن.
