ایچکی ایشلر وزیرلیگی سوزلاوچیسی طارق آرین نینگ ایتیشیچه، کابل شهری نینگ ۱۳- خوفسیزلیک حوزه‌سیگه تیگیشلی دشت برچی منطقه‌سیده‌گی سیدالشهدا مکتبی برابریده یوزبیرگن هجوم ده ۲۵ کیشی هلاک و باشقه ۵۲ کیشی ایسه یره‌لنگن.
ایچکی ایشلر وزیرلیگی سوزلاوچیسی نینگ کوپه‌یتیریشیچه، مذکور حادثه بوگون (شنبه ۱۸- ثور) کیچ قورون ساعت ۴:۲۷ اطرافیده کابل غربی سیدالشهدا مکتبی برابریده یوزبیرگن. پارتلش نینگ قنده‌یلیگی حاضرگچه بیللی بولمه‌گن.
ایچکی ایشلر وزیرلیگی سوزلاوچیسی گه کوره، حاضرگچه ۳۵ یره‌دار حادثه محلی دن کسلخانه گه انتقال بیریلگن. بیراق حادثه شاهدلری نینگ ایتیش‌لریچه، بیرینچی ده بمب جایلشتریلگن بیر موتر پارتله‌گن و باشقه اوچ پارتلش کیین مه کیین یوزبیرگن.
شونده‌ی بیرحالده، ساغلیک وزیرلیگی سوزلاوچیسی دستگیر نظری نینگ ایتیشیچه، ۲ جسدی و ۴۶ یره‌دار حاضرگچه کابل-آمبولانس آرقه‌لی کسلخانه گه انتقال بیریلگن. بو پارتلش سیدالشهدا مکتبی نینگ قیز اوقووچی‌لری بو مکتب دن چیقه‌دیگن پیتده یوزبیرگن.
مذکور پارتلش مسئولیتی نی حاضرگچه بیرار گروه یا-ده شخص بوینیگه آلمه‌گن.
