تیلنچی عیاللردن بیرقطاری، پایتخت کابل سرک‌لریده آی‌لیک‌لری توللنمسلیگیدن شکایت قیلیب ایتیشلریچه، حاضرگچه اولکه یشاوچیلریدن تیلنچیلیک قیله‌دیلر.
کابل شهری سرک‌لریده «شکیبا» اسملی عیال، کسل ایرینی درمانلش و عایله اعضالری نینگ نفقه‌سینی تأمینلش اوچون یشاوچیلردن تیلنچیلیک قیله‌دی.
اونگه کوره، حکومتی هیچ بیر اداره تامانیدن حاضرگچه یاردم آلمه‌گن. «ایناغم و ایریم کسل دیر و عایله اعضالریمنی نفقه‌سینی تأمینلش اوچون باشقه هیچ کیمیم یوق و شهر ده تیلنچیلیک قیلیش گه مجبور من.»
بیزلرنینگ فیسبوک صحیفه‌میزگه باش اورینگ!
تیلنچی عیاللردن باشقه بیری زرمینه، کابل سرک‌لریدن بیری ده تیلنچیلیک قیلماقده، حکومت دن نالیب ایتیشیچه، نیچه مراتبه باغلیق اداره‌لر تامانیدن بایومتریک بولسه ده، لیکن حاضرگچه هیچ یاردم آلمه‌گن.
او نینگ کوپه‌یتیریشیچه: «سرپرستی‌میز یوق و بیر اوغلیم بار ایدی ایچکی اوروش‌لرده هلاکت گه اوچره‌دی و حاضر خاتینی روحی کسل‌لیککه چلینگن و اونی نفقه‌سینی مین تأمینله ماقده من، بیراق اسلام امیرلیگی نیچه مراتبه بیزنی ییغدی، لیکن حاضرگچه یاردم بیرمه‌گن.»
شونینگدیک، تیلنچی‌لردن باشقه بیری بنفشه گه کوره، نیچه مراتبه خوفسیزلیک کوچلر تامانیدن ییغیلیب و تیلنچیلیک قیلمسلیکلریدن آگاه‌لنتیرگنلر، اما حاضرگچه اولر گه یاردم کورسه تیلمه‌گن.
او نینگ ایتیشیچه: «شهر ده تیلنچیلیک قیلیش گه مجبور میز و سرپرستی‌میز یوق، اجاره اوی ده تیریکچیلیک قیلماقده‌میز، نیچه مراتبه اسلام امیرلیگی تامانیدن ییغیلدیک، بیراق هلیگچه آی‌لیک توللنگنی یوق.»
شو بیلن بیرگه، باش وزیرلیک اقتصادی کمیسیونی گه کوره، حاضرگچه کابل شهری دن قریب ۱۲ مینگ تیلنچی عیال ییغیلیب و یاردم اوچون افغان قیزیل آی جمعیتی گه تانیشتیریلگن.
بیزلرنینگ توییترده هم تعقیب قیلینگ!
عین‌حالده، افغان قیزیل آی جمعیتی مسئوللری، حاضرگچه ۵۰۰ دن آرتیق تیلنچی عیال گه یاردم بیریلگنینی معلوم قیله‌دیلر. مذکور اداره سوزلاوچیسی عرفان‌الله شرف‌زوی نینگ کوپه‌یتیریشیچه: «سرک‌لرده‌گی ۵۱۴ تیلنچی که عایله اعضالری بیلن ایکی مینگ ۸۰۸ کیشی بوله‌دی بیش میلیون ۶۱۶ مینگ افغانی توزیع بولگن.»
خلق‌ارا ایش تشکیلاتی ینگی گزارشی ده، اسلام امیرلیگی حاکمیتیدن کیین افغانستان ده ۲۵ فایز عیاللر ایشلرینی قولدن بیرگن و خاتین قیزلر نینگ ایش و تعلیمی گه قرشی یره‌تیلگن چیکلاولر، اوشبو وضعیت نی کوچه‌یتیرگن.
اولکه بویلب ایش‌سیز عیاللر سانی کوپه‌یشی باعث، اولردن قطاری جدی خطر بیلن روپه‌ره بولیب و ایریم پیت‌لر تیریکچیلیک خرجت‌لرینی تأمینلش اوچون تیلنچیلیک قیله‌دیلر.
