کابل ده حیات کیچیره‌دیگن قشاق و نادار یشاوچیلردن قطاری، حیات قیین‌چیلیک‌لریدن شکایت قیلیب و یاردم بیرووچی نهادلر تامانیدن بیره‌دیله‌دیگن یاردم‌لر نینگ کوپه‌یشی نی ایسته‌گنلر.
عین حالده، تورموش اورتاغی نی قولدن بیرگن کابل یشاوچیسی نازنین نینگ ایتیشیچه، اوزی و کیچیک باله‌لری نینگ نیازلری نی فراهم قیلیش اوچون ایشلماققه مجبور دیر. او، بیر لقمه نان تاپیش اوچون اهالی اویی‌ده کیر یووه‌دی.
اونینگ کوپه‌یتیریشیچه: «سرپرستیم یوق و کیچیک باله‌لریم گه بیر لقمه نان تاپیش اوچون اهالی اویی گه باریب ایشله‌یمن.»
بیزلرنینگ فیسبوک صحیفه‌میزگه باش اورینگ!
شونینگدیک کابل یشاوچیلریدن باشقه بیری عابده نینگ ایتیشیچه، تورموش اورتاغی نینگ اولگنیدن کیین، اویی‌ده نان کیلتیره‌گن باشقه هیچ کیم یوق و اوزی ۶ باله‌سی نینگ نیازلری نی فراهم قیلیش اوچون مجبور دیر.
عابده نینگ کوپه‌یتیریشیچه: «تورموش اورتاغیم شهید بولگن و اوی‌ده نان کیلتیره‌دیگن بیری یوق. اهالی اویی‌ده ایشلب بیلیم نی مهره‌‌لری یقین کیلگن. باشقه ایشلماققه کوچیم ییتیشمه‌یدی؛ بیراق ۶ ییتیم باله‌م نینگ تیریک قالیشی اوچون سعی و حرکت قیلیش گه مجبورمین.»
بیزلرنینگ توییترده هم تعقیب قیلینگ!
شونده‌ی بیرحالده، ییتیم‌لردن حمایت قیله‌دیگن نهاد، بوگون کابل ده ۳۷۲ عایله گه ییگولیک ماده ترقه‌تگن.
ییتیم‌لردن حمایت قیله‌دیگن نهاد نینگ ایتیشیچه: «کابل ده سروی بولگن ۳۷۲ عایله گه بوگون یاردم ترقه‌تیلدی و شونینگدیک هر بیر عایله‌ده ۵ عضو بولگنی تخمین اوریلگن.»
ایتیش کیره‌ک که، ایش‌سیزلیک، اقتصادی قیین‌چیلیک و قشاق‌لیک کوپه‌یگینی بیرحالده، اهالی‌دن کوپ قطاری کونده‌لیک نیازلری نی تامین‌لش خصوصیده کوپینچه قیین‌چیلیک بیلن روپه‌ره بولگنلر.
