افغانستان ده تورکیه نینگ ترقیاتی خذمت‌لر دفتری (تیکا) ده، «احکام لباس‌های مروجه امروزه در شریعت اسلامی» اسمی آستیده بیر کتاب نینگ تقدیمات مراسمی بولیب اوتگن.
مذکور برنامه اوتگن کون (جمعه، ۱۰-قوس)، بیلیم یورتلر اوقیتووچیلری، افغانستان ده تورکیه نینگ ترقیاتی خذمت‌لر دفتری کاردیناتوری، تورکیه هوا یوللری شرکتی باشلیغی و بیر قطار مدنیت‌چیلر حضوری بیلن یولگه قوییلگن.
بیزلرنینگ «ایکس» ترماغی ده هم تعقیب قیلینگ!
«احکام لباس‌های مروجه‌ی امروزه در شریعت اسلامی» کتابی، بی‌بی عایشه‌ی صدیقه دارالعلوم اوقیتووچیسی بولمیش گوهرشاد یلدرم تامانیدن یازیلیب و چاپ بولگن دیر.
بانو یلدرم نینگ ایتیشیچه: «مینی یازگنیم کتاب زمانه‌وی کییم-کیچک حقیده دیر. اهالی کیه‌دیگن کییم حقیده معلومات گه ایگه بولیشی کیره‌ک که، کیه‌دیگنلری کییم-کیچیک اسلام گه مناسب می، یا-ده ایمس می. اسلام گه مناسب بولمه‌گن کییملر نینگ تقلید قیلیش جایز ایمس.»
بیزلرنینگ فیسبوک صحیفه‌میزگه باش اورینگ!
اوشبو برنامه ده سوزگه چیققن‌لر، اسلامی شریعت اساسیده زمانه‌وی کییم_کیچک حکم‌لری حقیده‌گی کتاب نینگ چاپ بولیب ترقه‌لیشی و بو کبی برنامه‌لر یولگه قوییلیشینی مهم عنوان قیلگنلر.
ایتیش کیره‌ک که، مذکور برنامه نینگ یکونی‌ده اوشبو کتاب، یازووچی نینگ امضاسی بیلن احتفال‌ده اشتراک ایتگنلر گه تیکین روشده توزیع بولگن.
