گوزهللیک، تازهلیک و خاطرجمعلیک؛ بولردن برچهسینی قوشلر سیسی، تازه هوا و رنگ-برنگ گللر بیلن طبیعت گوزهللیگیگه سبب بولهدیگن گلخانهده تاپیش ممکن.
کابل شهری عبدالحق تورت یولیده جایلشگن گل ساتووچیلیکلردن بیرینینگ ایگهسی عبدالرحمان، گل ییتیشتیریش و گل ساتیش ایشی بیلن شغللنگنیدن خورسندلیک قیلیب و ایتیشیچه: «ایشیم گه قرشی جودهیم قیزیقهمن؛ بیر قطار کیشی بیر-ایکی ته گل ساتیب آلهدی؛ ایشیمدن جودهیم راضیمن و دایم تینگری تعالیدن منتدارلیک قیلهمن.»
بیزلرنینگ فیسبوک صحیفهمیزگه باش اورینگ!
گلخانه فضاسی، ییرنینگ نملی ایسی و گللر عطری بیلن توله دیر. اقتصاد بولیمی طلبهسی بولمیش عبدالرحماننینگ ایتیشیچه، کون اوتیشی بیلن گل ییتیشتیریش توغریسیده کوپراق قیزیقهدی. «آتهم ۷۱ یاشر دیر، آتهم کیچیکلیگیدن حاضرگچه گل ایکیش بیلن شغللنگن و کابل شهریدهگی اینگ قدیمی گل ساتووچیلردن دیر و بیزلر هم آته کسبینی اورگندیک.»
عبدالرحماننینگ ایتیشیچه، گللر بیر قطار خصوصیتلرگه ایگه بولگنی اوچون انساننینگ فکرینی آرام قیلیش امکانیتی گه ایگه دیر.
بو گلخانهدهگی بیزهلتیرووچی درختلردن بیری، سرب درختی دیر که عبدالرحماننینگ سوزلریگه کوره، بو درختلر اهالی فکرینینگ ایش فضاسیده آرامراق بولیشی مقصد کوپراق دفترلر اوچون ساتیب آلینهدی.
تورلیخیل رنگ-برنگ گللر، بو گلخانهنینگ جودهیم چیرایلی قیلیب و اولردن هر بیرینینگ اوزیگه خاص بیر خصوصیتی بار. بو گلخانهدهگی قیمتراق و گوزل بولگن گللردن بیری، ملکهی شب گلی دیر که اوشبو گل کوپراق هندوستان و پاکستان ده ایکیلهدی. بوتوغریده عبدالرحماننینگ ایتیشیچه: «اونینگ اسمی هندوستان ده RAD KA RANI DIL KA RAJA دیر و کوپراق هندوستان و پاکستان ده ایکیلهدی. اهالی بولردن نسل آلهدی. کیچه تامان اوزیگه مخصوص بیر ایسی بار که کیچه آذانیدن ایرتنگگچه ایسی بار.»
عبدالرحمان گه کوره، گللردن هر قنچه مراقبت بولسه، اوشنچه چیرایلی قالیب و رشد قیلهدی. گلخانهنینگ باشقه بیر چیککهسیده، پلاستیکی قاره پاکتلر ایچیده گللردن قطارینینگ قلمچهلری قوییلگن.
بیزلرنینگ «ایکس» ترماغی ده هم تعقیب قیلینگ!
عبدالرحماننینگ ایتیشیچه، گللردن اوروغ ایکیش و قلمچه قیلیش آرقهلی ایکی اصولده نسل آلینهدی. «باشقه بیر قطار گللر بار که شوو ییرده قلمچه قیلهمیز؛ گللردن نسل آلهمیز. قریب ایکی تور نسل آلیش اصولی بار. بیرینچیسی اوروغ ایکیش و باشقهسی ۱۰-۱۵ سانتیمتر قلمچه توزهتیش دیر.»
گل ییتیشتیریش سنتی کوپ زمانلردن بویان کابل ده دوام قیلیب، قشاقلیک همده قیینچیلیکلر آرهسیده، بو صناعت حاضرگچه اهالی آرهسیده اوز اورنینی سقله آلگن.
