اوتگن اوچ هفته‌ده مملکت نینگ قطار ولایت‌لریده یولگه قویلگن کیچیک و بویوک ۱۰ کتاب کورگزمه‌‌سیدن کیین، بوگون (شنبه، ۲۰-جوزا)، معلومات و مدنیت وزیرلیگی نینگ نشرات معینیتی و بیهقی ریاستی، نشریات‌لر و خصوصی کتاب ساتووچیلر همکارلیگی‌ده، کابل شهریده کتاب هفته‌سی مناسبتی بیلن بویوک بیر کتاب کورگزمهسی نی یولگه قویگنلر که، اوشبو کورگزمه جاری هفته جمعه کونی‌گچه دوام تاپه‌دی.
مذکور کورگزمه نی یولگه قویگنلر نینگ ایتیش‌لریچه، اوشبو کورگزمه‌ده ۱۷۰دن آرتیق دولتی و خصوصی کتاب نشریاتی، کتاب‌لری نی نمایش گه قویگنلر.
معلومات و مدنیت وزیرلیگی نینگ ارشاد بوییچه اورین باسرلیگی نجیب‌الله هاشمی، افغانستان جماعه‌سیده کتاب اوقیلیش نی جدی نیاز عنوان قیلیب و ایتیشیچه، اوشبو کورگزمه نینگ یولگه قویلیشی، یشاوچیلر نینگ کتاب اوقیش گه تشویق قلیشی ممکن.
بیزلرنینگ فیسبوک صحیفه‌میزگه باش اورینگ!
جناب هاشمی نینگ کوپه‌یتیریشیچه: «مذکور کورگزمه ییگیتلر و یشاوچیلر نی تشویق قیلینیشی خصوصیده اونملی دیر. مملکت کیله‌جگی و ترقیاتی اوچون ییگیت‌لریمیز نی کتاب اوقیشی کیره‌ک. حاضرگی شرایط‌ده بو کبی کورگزمه‌لر نینگ یولگه قوییلیشی بیر ینگی‌لیک دیر. بو کورگزمه نینگ یولگه قویگن‌لردن خورسند‌لیک بیلدیره‌میز.»
بیهقی ریاستی نینگ خصوصی کتاب ساتووچیلر و نشریات مسئولی محمد یحیا نینگ ایتیشیچه، کتاب اوقیش نینگ رواجلنیشی اوچون، کیله‌جک‌ده هم بو کبی بویوک کتاب کورگزمه‌لری نینگ یولگه قویلیشی خصوصیده سعی و حرکت قیلینه‌دی.
اونینگ کوپه‌یتیریشیچه: «مذکور کورگزمه بوندن آلدین یولگه قویلگن کورگزمه‌لردن فرقلی دیر. مطالعه اوچون اَیری ییر نظر گه آلینگن و باله‌لر اوچون هم بیر خیمه تیارلنگن. باشقه تامان‌دن بو کورگزمه گه انتخاب بولگن موقعیت هم مشتری‌لر نی جذب قیلیش خصوصیده تاثیری بار.»
باشقه بیر تامان‌دن، مذکور کورگزمه‌ده نشریات‌لردن قطاری نینگ مسئوللری گه کوره، کتاب‌لری نینگ ساتیلیشی خصوصیده امید‌لری بار.
اوشبو کورگزمه‌ده‌گی کتاب ساتووچیلردن محمد ایمل نینگ ایتیشیچه: «اسلام امیر‌لیگی نینگ قدرت گه ایریشگنی‌دن حاضرگچه، بو کبی کورگزمه یولگه قویلگنی یوق ایدی. حاضر ایسه بو اهالی نینگ کتاب اوقیش و کتاب آلیشی خصوصیده بیر بخشی فرصت. اوتگن ییل‌لر گه قره‌گنده حاضر ایسه اهالی نینگ کتاب اوقیش خصوصیده علاقه‌سی کمه‌یگن. بو رقم کورگزمه‌لر نینگ یولگه قویلیشی بیلن مشتری جذب بولیشی گه امیدی‌میز بار.»
شونینگدیک اوشبو کورگزمه‌ده‌گی کتاب ساتووچیلردن باشقه بیری عبدالله نینگ ایتیشیچه: «کتاب‌لریمیز‌دن قطاری گه تخفیف بیردیک که، بو رقم مشتری کوپه‌یسین. بوگون بیرینچی کون ایدی که بو رقم اوشبو کورگزمه نینگ یکونیگه قدر، مطالعه گه ییگیتلر نینگ قیزیقیشی و کتاب اوقیش ترقیاتی خصوصیده‌گی مقصدی‌میز گه ییتیشیش اوچون امید‌وارمیز.»
بیزلرنینگ توییترده هم تعقیب قیلینگ!
مذکور کورگزمه گه شرکت قیلگن‌لردن قطاری نینگ ایتیش‌لریچه، کتاب کورگزمه‌لری نینگ یولگه قویلیشی، مطالعه خصوصیده ییگیتلر نینگ تشویق قیلینیشی اوچون یخشی بیر فرصت دیر.
کتاب کورگزمه گه شرکت قیلگن قیلنگن صابره نینگ ایتیشیچه: «اوشبو کتاب کورگزمهسی گه کتاب‌لر نی کورماق اوچون کیلدیم. بو کبی کورگزمه‌لر نینگ یولگه قویلیشی کوپ یخشی، چونکه هر کیم اینیقسه ییگیتلر بو ییر گه کیلیب ایسته‌گنی کتاب نی آلیش خصوصیده تلاش قیله‌دی.»
ایتیش کیره‌ک که، اسلام امیر‌لیگی نینگ قدرت گه ایریشگنی‌دن کیین، کتاب نشریات‌لریدن کوپینچه‌سی سیزیلرلی درجه‌ده چاپ و کتاب ساتووچیلیک‌لر ایسه مشتری کم‌لیگی بیلن روپه‌ره بولگن. شونده‌ی بیرحالده، نشریات بیرلشمه‌سی نینگ آماری اساسیده، قریب ایکی ییل‌ده کتاب نشریات‌لریدن ۵۰دن آرتیغی کتاب چاپ بولمه‌یشی و چاپ بولگن کتاب‌لر نینگ ساتیلمه‌یشی سبب، بنکروت بیلن روپه‌ره بولیب و بیر قطاری ایسه فعالیت‌دن قالگن دیر.
