داعش گروهی‌گه تیگیشلی عماق وبسایتی، اوزبیکستان حربی‌لری گه قره‌ته موشک آتیلیشیدن عکس ترقه‌تیب، بو هجوم مذکور گروه تامانیدن اویوشتیریلگنینی ایتگن. داعش گروهی گه کوره، بو گروه ترمز منطقه‌سیده اوزبیکستان حربی‌لری گه قره‌ته ۱۰ کاتیوشا موشک‌نی آتگن؛ بیراق اوزبیکستان میدیالری بوتوغریده حاضرگچه هیچ نرسه دیمه‌گنلر.
شو بیلن بیرگه اسلامی امارت سوزلاوچیسی نینگ اورین باسرلریدن بلال کریمی نینگ ایتیشیچه، بیر کیشی بلخ ولایتی حیرتان شهرکی یقینیده هجوم قیلیش قصدی بار ایکن، لیکن اونینگ تلاش‌لری خنثی قیلینیب و اسلامی امارت کوچلری منطقه‌نی تیکشیرماقده‌لر.
بیزلرنینگ فیسبوک صحیفه‌میزگه باش اورینگ!
بلال کریمی نینگ ایتیشیچه: «بیر کیشی حیرتان شهرکی یقینیده اجاره آلینگن بیر تورر حولی‌دن شوم بیر عمل‌نی بجرماقچین ایکن، بیراق اونینگ تلاش‌لری خنثی قیلینیب و جدی حادثه روی بیرمه‌گن.»
عین‌حالده، سیاسی و اقتصادی ایش بیلرمان محب‌الله شریف نینگ ایتیشیچه، سونگی کون‌لرده اسلامی امارت و اوزبیکستان آره‌سیده سیاسی و اقتصادی مناسبت‌لر مستحکم‌لنگن، شونی اوچون افغانستان توپراغیدن اوزبیکستان گه هجوم قیلیش نه‌فقط اوزبیکستان بیلن افغانستان مناسبت‌لری بلکه، برچه مملکت‌لر بیلن افغانستان نینگ مناسبتی اوستیگه سلبی تاثیر قیلیشی ممکن.
اونینگ کوپه‌یتیریشیچه، بو گَل حادثه‌لر آلدی آلینیشی اوچون اسلامی امارت امنیتی و کشفی کوچلرینی تیار قیلیشی کیره‌ک. اونگه کوره، بو کبی حادثه‌لر اسلامی امارت نینگ ایشانچینی کمه‌یتیره‌دی.
شو بیلن بیرگه، امنیتی و استخباراتی مسئله‌لر ایشلری بوییچه ایش بیلرمان محمود حیدری نینگ ایشانچی‌گه کوره، هرقنده‌ی ترورچی گروه افغانستان‌دن اوزبیکستان گه قرشی موشک آتگن بولسه، بو ایش آمریکا و غرب مملکت‌لری یاردمی بیلن چین و روسیه‌نی واهیمه‌‌گه تشلش اوچون عملگه آشیریلگن.
بیراق اونینگ ایتیشیچه، اوشبو هجوم اسلامی امارت و اوزبیکستان مناسبت‌لری اوستیگه سلبی تاثیر قیلمه‌یدی.
جناب حیدری نینگ کوپه‌یتیریشیچه، آمریکا و غرب مملکت‌لری منطقه وضعیتینی ثبات سیز قیلیش اوچون، مذکور تروریستیک هجوم‌لر اولر تامانیدن اویوشتیریلیشی برچه‌گه معلوم دیر.
بیزلرنینگ توییترده هم تعقیب قیلینگ!
اونینگ ایتیشیچه: «اوزبیکستان، تاجیکستان و تورکمنستان مسئول‌لری بو گَل ایشلرنی یخشی درک قیلیشه‌دی و بو ایش رابطه‌لری اوستیگه سلبی تاثیر قیلیشینی اویلمه‌ی من. محتملاً امنیتی تدبیرلرینی کوچه‌یتیریب و روسیه‌دن یاردم سوره‌ش‌لری ممکن.»
بو عین‌حالده، بوندن آلدین قطار اولکه‌لر جمله‌دن روسیه، افغانستان‌ده داعش و باشقه تروریستیک گروه‌لر فعالیتیدن خواطر بیلدیرگن ایدیلر.
برچه‌سی بیلن، اسلامی امارت هردایم افغانستان باشقه اولکه‌لر اوچون تهدید بولمسلیگیدن ایشانچ بیلدیرگن.
