کابل نینگ شمالیده جایلشگن پروان، کاپیسا و پنجشیر ولایتلری یشاوچیلریدن قطاری نینگ سلام‌وطندار گه ایتیشلریچه، مذکور ولایتلرده عیاللر آره‌سیده «جاغور» کسللیگی کوپه‌یگن و بو آره‌ده، قیشلاقده‌گی عیاللر آزراق آگاهی‌لیک سبب ایرککلر گه قره‌گنده بو کسللیککه کوپراق چلینه‌دیلر.
پنجشیر یشاوچیسی پری‌گل نینگ ایتیشیچه، جاغور کسللیگی عیاللر گه آغریق و قیین‌چیلیک چیقریشی یانیده، اولر نینگ چیرایلیگی نی هم جدی قیین‌چیلیککه روپه‌ره قیله‌دی. «نیچه ییلدن بیری جاغوریم بار؛ هیچ جای گه باره آلمه‌یمن، چونکه شرم قیله‌من. دولتی کسل‌خانه‌لرده عملیات بولیش امکانیتی بولیشی کیره‌ک. پولیمیز یوق که خصوصی کسل‌خانه‌لر گه بارسه‌ک. اوشبو کیچه و کوندوزلر کوپ باغزیم آغریدی، بعضا عایله‌م عصبی قیین‌چیلیککه روپه‌ره بولیب‌سین دیه‌دیلر.»
بیزلرنینگ «ایکس» ترماغی ده هم تعقیب قیلینگ!
شونینگدیک جاغور کسللیگی گه چلینگن پنجشیر یشاوچیلریدن باشقه بیری فوزیه نینگ ایتیشیچه: «جاغور کسللیگی گه چلینگن‌مین؛ کم‌خون بوله‌من، غضب‌لنه‌من؛ حتا قوللریم و ایاغلریمی بی‌حال بوله‌دی، بیر آی‌ده ایکی مرته کم‌خون‌لیک داروسینی ییه‌من. شو رقم چیرایلیگیم نی قولدن بیره‌من و باله‌لری بولیش نی ایسته‌گن عیاللر نینگ برچه ویتامین‌لری کمه‌یه‌دی و باله‌لری انارمل توغیله‌دی یا-ده فلج بوله‌دی که باله‌لری زیان کوره‌دی.»
پروان ولایتی سیاه‌گرد تومنی «قمچاق» قیشلاغی یشاوچیسی مبشر نینگ ایتیشیچه، جاغور کسللیگی یقینداشلریدن قربان‌لیک آلگن و یقینداشلریدن قطاری بو کسللیککه روپه‌ره دیر.
اونینگ کوپه‌یتیریشیچه: «بیر مرته هم عملیات قیلدیردی، لیکن فایده قیلمه‌دی و مذکور عیال بو کسللیک سبب اولدی. قیشلاقلرده بیر قطار اهالی بو کسللیککه چلینگن و دوالنیش گه کوچلری ییتیشمه‌یدی و اهالی نی کوپ قیین‌چیلیککه روپه‌ره قیلگن. دولت و ساغلیق‌نی سقلش‌دن شفاکار کیلیب و منطقه‌ده آگاهی‌لیک بیریشلرینی ایسته‌یمین.»
باشقه بیر تاماندن، کاپیسا مرکزیده جایلشگن «هروکی» قیشلاغی یشاوچیسی صفی‌الله یوسفی، بو کسللیک دوالنیشی نینگ کوپ خره‌جت کوتاریشی گه تاکید‌لب و ایتیشیچه، یشاوچیلر بو کسللیک آلدی آلینیشی خصوصیده معلومات قولگه کیلتیریشلری کیره‌ک.
اونینگ کوپه‌یتیریشیچه: «عمه‌م نینگ اوغیل‌لریدن بیری جاغور چیقرگن، کم قالگن که عقلی‌نی قولدن بیرسه. اهالی گه کوپ یقین بولمه‌یدی. اهالی نینگ آگاهی‌لیک سطحی نی کوپه‌یتیرسینلر، کاپیسا ملکی کسل‌خانه‌سیده بیر بولیم نی آچیب و اهالی نی تیکین روش‌ده دواله‌سینلر.»
عین حالده، پروان ولایتی کسل‌خانه‌سیده داخله بولیمی شفاکاری مزمل آزاد نینگ ایتیشیچه، مذکور کسللیک نینگ علایم‌لری عیاللر و ایرککلرده فرقلی دیر و بو کسللیک نینگ علایملرینی کوریش بیلن شفاکار گه باریلیشی کیره‌ک.
بیزلرنینگ فیسبوک صحیفه‌میزگه باش اورینگ!
آزاد نینگ کوپه‌یتیریشیچه: «بو بیر غده که، وجود نینگ متابولیسم توزه‌لیشی خصوصیده حصه قوشه‌دی؛ تولید قیله‌دیگن هورمون‌لر وجود نینگ توزه‌تیلیش متابولیسمی گه توغری تاثیری بار.کسل یوره‌ک اوریشی‌دن شکایت قیله‌دی، پوستی نینگ تورلی بولیم‌لریده قیین‌چیلیگی بولیشی و ساچی نینگ توکیلیشی ممکن.»
ایتیش کیره‌ک که، جاغور کسللیگی کوپراق یوره‌ک اوریشی نینگ کوپه‌یشی و جنسی علاقه کمه‌یشی بیلن تانیله‌دی و بو کسللیک بیلن کوره‌شیش اوچون بولگن اینگ اونملی آدیم، ساغلیق‌نی سقلش نهادلر تامانیدن آگاه‌لیک بیریش دیر.
