کابل شهری ده کوچت و گل ساتووچیلردن قطاری نینگ ایتیش‌لریچه، اوتگن ییل گه نسبتن بو ییل سودالری یخشی بولگن.
کابل شهری ده ۱۸ ییل دن بیری گل‌ساتووچی‌لیک بیلن شغللنیب کیلگن ولی‌محمد، ایشی کیله‌جگی خصوصیده خورسند‌لیک بیلدیریب ایتیشیچه، اوشبو ییل ده کوچت و گل ساتووچیلیک اوچون، ۳۰۰ مینگ افغانی دن آرتیق سرمایه یاتقیزگن.
ولی محمد نینگ کوپه‌یتیریشیچه: «دکان ده تورلی‌خیل گل و درختی‌میز بار، بو اهالی نینگ علاقه‌سی گه تیگیشلی، قیسی تور گل و درخت ایسته‌یدیلر. بعضی‌لری میوه‌لی درخت و بعضی‌لری ایسه میوه‌سیز درخت آله‌دیلر. وارداتی گل‌لریمیز بار؛ بیراق بولردن قطاری بیزلردن دیر. ایشی‌میزدن راضی‌میز.»
بیزلرنینگ فیسبوک صحیفه‌میزگه باش اورینگ!
کابل شهری نینگ «پروان دو» منطقه‌سیده گل و کوچت ساتووچیلردن باشقه بیری محمد هارون، سوداسی یخشی بولگنیدن خورسند‌لیک بیلدیریب ایتیشیچه، هر کونی قریب ۳۰ مشتری کیلیب اوندن سودا آله‌دی.
محمد هارون نینگ کوپه‌یتیریشیچه: «اوتگن ییل گه قره‌گنده بو ییل ایشلریمیز یخشی بولگن، پنج‌شنبه و جمعه کون‌لری مشتری‌لریمیز کوپ، باشقه کون‌لر هم بار، بیراق پنج‌شنبه و جمعه کون‌لری کبی ایمس.، حتا اهالی گل تماشاسی اوچون دکان گه کیله‌دیلر. اهالی و حکومت دن اطراف-محیط کورکم‌لیگی خصوصیده کوپراق دقت قیلیش‌لرینی ایسته‌یمیز.»
شونده‌‌ی بیرحالده، گل و کوچت آلیش اوچون گل‌ساتووچی‌لیک دکانی گه کیلگن پایتخت یشاوچیلریدن قطاری، اولکه یشاوچیلریدن بیر گل و کوچت ایکیش بیلن اطراف-محیط کورکم‌لیگی اوچون حصه قوشیش‌لرینی ایسته‌یدیلر.
کوچت آلیش اوچون کوچت ساتیله‌دیگن دکان گه کیلگن کابل یشاوچیلریدن لعل‌محمد نینگ ایتیشیچه: «کوچت ایکیش یخشی بیر ایش دیر، کوچت و گل ایکیش روحیات نی تازه قیله‌دی و انه‌شوو سبب، هر ییل کوچت و گل آلیش اوچون کیله‌میز.»
بیزلرنینگ توییترده هم تعقیب قیلینگ!
باشقه بیر تاماندن، اطراف-محیط ایش بیلرمان‌لری گل و کوچت ایکیلیشی نی ییر آستی سوولری ذخیره بولینیشی، تنفسی کسل‌لیک‌لر و موسومی سوو تاشقین‌لر گه توسیق بولیش اوچون اونملی عنوان قیله‌دیلر.
اطراف-محیط بیلرمانی عبدالباسط رحمانی گه کوره: «اطراف-محیط اوچون کوچت ایکیش جوده اونملی دیر. باشقه مملکت‌لرده بو ایش اهالی تامانیدن بجریله‌دی. بیر باله مکتب گه بارگنی بیلن اوشبو مدنیت اونگه اورگه تیله‌دی. انه شوو سبب، بو موضوع خصوصیده دقت قیلیش و سرمایه یاتقیزیش کیره‌ک. چونکه یخشی بیر محیط ساغلام حیات گه سبب بوله‌دی و ساغلام کیشی‌لر یخشی اقتصاد دان و سیاستچی بولیشی ممکن.»
کابل بلدیه‌سی، هر ییلی پایتخت کابل بویلب کوچت ایکیش کمپاینی ده یوزلرچه میوه‌لی و میوه‌سیز کوچت ایکه‌دی، شونینگدیک اوتگن ییل هم شهر‌ده ۲۵۰ کوچت نی ایککن ایدی.
