کابل بلدیه‌سی مسئوللری نینگ ایتیشلریچه، پایتخت نینگ ۲۲ ناحیه‌سیده آز قیمت بیلن تاش کومیر ساتیلیش پروسه‌سی باشلنگن. اولر نینگ کوپه‌یتیریشلریچه، بو ییل هم تعیین بولگن ییرلرده هر تُن تاش کومیر ۹۰۰۰ افغانی گه ساتیله‌دی.
کابل بلدیه‌سی سوزلاوچیسی نعمت‌الله بارکزی نینگ ایتیشیچه: «کابل شهریده ۲۲ ناحیه‌ده، یورت‌داشلریمیز نینگ بیر تُن تاش کومیر نی ۹۰۰۰ افغانی ساتیب آلیشلری اوچون بیللی ییرلر تعیین‌لنگن. تاش کومیر نینگ انتقال بیریش، کیفیت تضمینی و کیفیتی‌دن نظارت قیلیش کانلر و پترولیم وزیرلیگی نینگ بوینیگه دیر.»
بیزلرنینگ «ایکس» ترماغی ده هم تعقیب قیلینگ!
کابل بلدیه‌سی مسئوللری نینگ اورغولشیچه، نیازمند کیشی‌لر تاش کومیر ساتیب آلیش اوچون، بیرینچی‌ده گذر وکیلی تصدیقی و کیین ایسه کابل بلدیه ناحیه‌سی نینگ تصدیقی نی آلیب و تاش کومیر ترقه‌لیش ورقی نی آلیش‌لریدن کیین، اولر گه تاش کومیر ترقه‌لیشی ممکن.
قیش موسومی ییتیب کیلیشی و هوا نینگ ساووق بولیشی بیلن، اوی‌لری نینگ ایسیق قیلیش اوچون یاقیلغی مانده اینیقسه تاش کومیر تیار قیله‌دیگن یشاوچیلردن قطاری، تاش کومیر ترقه‌لیشی خصوصیده ایتیشلریچه، بوندن کیین آز قیمت بیلن نیازلری بولگن تاش کومیر نی ساتیب آلیش خصوصیده خورسندلر.
کابل شهری ایکینچی ناحیه یشاوچیسی بولمیش محمداکبر نینگ ایتیشیچه: «جوده‌یم خورسندمیز و تاش کومیر کیفیتی و قیمتی هم بازار گه قره‌گنده یخشی دیر. بازار گه قره‌گنده قیمتی‌ده فرق بار و بازار ده بیر سیر تاش کومیر ۱۰۰ افغانی ساتیله‌دی و بو ییرده ۶۳ افغانی ساتیله‌دی.»
شونینگدیک کابل یشاوچیلریدن باشقه بیری بی‌بی‌ماه‌گل نینگ ایتیشیچه، قشاق‌لیک سبب، او و اوی کرایه‌نشینی بیلن، بیرجای‌ده بیر تُن تاش کومیر آلماقچینلر. اونینگ کوپه‌یتیریشیچه: «ایکی عایله‌میز، ۴۵۰۰ افغانی‌دن قوشه‌میز، چونکه بیر تُن تاش کومیر ساتیب آلیش گه کوچی‌میز ییتیشمه‌یدی. کم‌بود قیلگنی‌ده قرض آلیب قیته ینه بیر مقدار آلیش گه مجبور‌میز.»
شونده‌ی بیرحالده، کابل شهری نینگ ۲۲ ناحیه‌سیگه تاش کومیر نی ترقه‌تیش و انتقال بیریش مسئولیتی بولگن «سادات» شرکتی مسئوللری نینگ ایتیشلریچه، تاش کومیر نی پایتخت یشاوچیلری گه ساته‌دیلر.
سادات شرکتی نماینده‌سی خلیل‌احمد پیام نینگ ایتیشیچه: «کانلر وزیرلیگی بیلن کابل بلدیه‌سی آرقه‌لی ترقه‌تیله‌دیگن تاش کومیر، بازار گه قره‌گنده ۳۰۰۰ افغانی تخفیف بیلن، اهالی گه ساتیله‌دی.»
بیزلرنینگ فیسبوک صحیفه‌میزگه باش اورینگ!
عین حالده، کانلر و پترولیم وزیرلیگی مسئوللری نینگ ایتیشلریچه، کابل ده ۵۰ مینگ تُن تاش کومیر نینگ انتقال بیریش ایشی باشلنیب و شهر نینگ بیللی بولیم‌لریوه ییرلشتیریلگن.
مذکور وزیرلیک سوزلاوچیسی همایون افغان نینگ ایتیشیچه: «جوده‌یم آز قیمت دیر و وزیرلیگ مخصولی نی معاف قیلگن؛ چونکه کابا یشاوچیلری گه کیفیت‌لی تاش کومیر ترقه‌تیلسین و ۵۰ مینگ تُن نینگ انتقال بیریلیشی گه قرار آلینگن و نیاز بولگن صورت‌ده انتقال ایشی نینگ دوام تاپیشی ممکن و اونینگ کیفیتی هم تضمین بولگن دیر.»
ایتیش کیره‌ک که، شونینگدیک اوتگن ییل کابل بلدیه‌سی تورلی بولیم‌لرده تاش کومیر نی آز قیمت گه ساته‌ر ایدی؛ بیراق پایتخت یشاوچیلری کیفیت‌سیز تاش کومیر ساتیلیشی‌دن شکایت قیلیب و اولر گه کوره، کابل بلدیه‌سی تاش کومیر ساتیش اورنیده، توپراق‌لر نی اولر گه ساته‌ر ایکن.