کابل بلدیه‌سی مسئوللری‌نینگ ایتیشلریچه، اوشبو اداره کابل ده یکّه بیر شکلده هوا افلاسلنیشیگه قرشی کوره‌شه آلمه‌یدی. اولر بوگون (۲۲-جدی، شنبه)، کابل شهری‌ده عمومی جای‌لر و اطراف-محیط‌نی سقلش توغریسیده یشاوچیلر‌نینگ مسئولیت آلیشی و شهر ترتیبی‌نی یخشی‌لش مقصد، بو اداره‌نینگ فعالیت‌لری و ایشلری حقیده آگاهی‌لیک بیریلیشی اوچون اوتکزیلگن بیر برنامه‌ده، یشاوچیلر اینیقسه بیشینچی، آلتینچی و ۱۳-ناحیه‌لر یشاوچیلریدن هوا افلاسلیگی‌گه قرشی کوره‌ش اوچون کابل بلدیه‌سی بیلن همکارلیک قیلیشلرینی سوره‌گنلر.
کابل بلدیه‌سی‌‌نینگ ۱۳-ناحیه باشلیغی عبدالصمد عابد‌نینگ ایتیشیچه: «بلدیه یکّه اوزی هوا افلاسلنیشیگه قرشی کوره‌شه آلمه‌یدی و اهالی‌دن بو توغریده همکارلیک قیلیشلرینی ایسته‌یمیز.»
بیزلرنینگ فیسبوک صحیفه‌میزگه باش اورینگ!
شونده‌‌ی بیرحالده، کابل شهری‌نینگ بیشینچی، آلتینچی و ۱۳-ناحیه‌لریده‌گی بویوک‌لر و گذر وکیل‌لریدن قطاری، سرپرست حکومت‌دن تاشکومیر درآمدی‌دن بیر بولیمی‌نی هوا هوا افلاسلیگی‌گه قرشی کوره‌ش اوچون اختصاص بیریلیشینی ایسته‌گنلر.
۱۳-ناحیه‌نینگ نفوذلی کینگش باشلیغی اسحاق صفدری گه کوره: «اسلام امیرلیگی‌دن، قیش موسومی‌ده اوی‌لر‌نینگ ایسیتیلیشی و باشقه بیر تاماندن هوا افلاسلنیشیگه سبب بوله‌دیگن تاشکومیر درآمدی‌دن بیر بولیمی‌نی هوا افلاسلیگی‌گه قرشی کوره‌ش اوچون اختصاص بیریلیشینی ایسته‌یمیز.»
شونینگدیک آلتینچی ناحیه گذر وکیل‌لری باشلیغی وزیر‌گل، هوا افلاسلنیشی خوفلری عاقبتی‌گه اشاره قیلیب و ایتیشیچه، حکومت هوا افلاسلیگی‌گه قرشی کوره ش اوچون بیر قطار برنامه‌لرنی قولگه آلیشی کیره‌ک. «اوچ آی قیش‌ده کوره‌سیزلر که هوا قنچه افلاسلنه‌دی و بو توغریده حل یول تاپمه‌گنیمیز پیتده، بوتون ییل بو رقم حیات کیچیریشیمیز ممکن که بو خوفلی دیر.»
شونینگدیک ۱۳-ناحیه گذر وکیل‌لری باشلیغی محمد‌طاهر خلیلی‌نینگ ایتیشیچه، تاشکومیر و پلاستیک اورنیده مناسب بیر نرسه اختریلیشی و اهالی اختیاری‌گه قرار بیریلیشی کیره‌ک.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «هوا افلاسلیگی برابریده مسئولیتی‌میز بار و اوی‌لر‌نینگ ایسیتیلیشی اوچون قویاش نوری‌دن فایده‌لنیشی‌میز کیره‌ک. تاشکومیر و پلاستیک آلدی آلینیشی کیره‌ک که هوا افلاسلیگی اتم بمبی کبی دیر. بو توغریده توجه قره‌تیلمه‌گنی صورت‌ده، اونینگ طفیلی اورته‌گه کیلگن کسللیکلر دوالنیشی مقصد قوشنی مملکت‌لر گه باریش‌گه مجبور بولیشی‌میز ممکن.»
کابل ده هوا افلاسلیگی، اهالی ساغلیگی برابریده‌گی ینگی قیین‌چیلیک‌لردن بولیب و اندراگاندی کسل‌خانه‌سی مسئوللری‌نینگ ایتیشلریچه، یالغیز قوس آیی‌ده هوا افلاسلیگی طفیلی کسللیکلر نتیجه‌سیده، کابل ده ۱۸۶ باله جان بیرگن.
