کابل بلدیه‌سی‌ده مسئوللر‌نینگ ایتیشلریچه، جاری قویاش ییل‌ده سرک‌لر قوریلیشی و رواجلنیشی و کانال‌لر قوریلیشی شامل ۱۶۵ لایحه ایشی باشلنیب و اولر ارا، بیر قطار لایحه‌لر عملگه آشیریلگن.
کابل بلدیه‌سی‌نینگ مدنیت بوییچه مصلحتچی‌سی و سوزلاوچیسی نعمت‌الله بارکزی گه کوره، مذکور لایحه‌لر عملگه آشیرلیشی اوچون، کابل‌نینگ تورلی بولیم‌لریده بیر قطار ملکیت‌لر استملاک بولگن. «اوتگن اوچ ییل‌ده، ایکی میلیارد افغانی‌لیک ایکی مینگ ملکیت‌نینگ استملاک حقی توللنگن. بو ییل ۱۶۵ ترقیاتی لایحه‌نی قولگه آلگن ایدیک که اولردن کوپینچه‌سی‌نینگ ایشی یکونلندی.»
بیزلرنینگ «ایکس» ترماغی ده هم تعقیب قیلینگ!
بارکزی‌نینگ کوپه‌یتیریشیچه، یکون‌لنگن لایحه‌لردن سرکوتل خیرخانه، بادام‌باغ و کابل‌نینگ شمال‌غرب سرکی ایشی یکون‌لنیب و فایده‌لنیش‌گه تاپشیریلماقده.
باشقه بیر تاماندن، کابل بلدیه‌سی آرقه‌لی ملکیت‌لری استملاک بولگن کابل یشاوچیلریدن قطاری‌نینگ ایتیشلریچه، سرپرست حکومت یالغیز اوی‌لری‌نینگ پولی توله‌گن.
۱۵-ناحیه سرکی قوریلیشی لایحه‌سیده ییری‌دن ایکی‌یریم بسوه‌سی کیتگن کابل شهری یشاوچیلریدن احمد‌نینگ ایتیشیچه: «انه شوو قواله اساسیده، ییرلریمیز قیمتی‌نینگ اجرا بولیشینی ایسته‌یمیز؛ بو ییرنی آلگنیمیز کیشی نی قییردن قیله‌یلیک، بلکیم اولیب کیتگن بولسه یا-ده تشقی مملکت‌گه کیتگن بولسه.»
بیزلرنینگ فیسبوک صحیفه‌میزگه باش اورینگ!
کابل شهری یشاوچیلریدن باشقه بیری عبدالکبیر‌نینگ ایتیشیچه، ییری ۹۰۰مینگ افغانی ارزشی بار ایکن؛ بیراق کابل بلدیه‌سی یالغیز اویی‌نینگ قوریلیش قیمتی نی توله‌گن. اونینگ کوپه‌یتیریشیچه: «ییرنینگ تلف بولمه‌سلیگی کیره‌ک، اهالی حقی دیر؛ انه شوو ییرلر بیزلرگه همه نرسه ایدی و باشقه جای و ملکیتی‌میز یوق.»
کابل بلدیه‌سی‌نینگ اورغولشیچه، استملاک بولگن برچه ملکیت‌لر تیکشیریلیب و ملکیت ایگه‌لری حقی مکمل شکلده اولر گه توللنه‌دی.
