افغانستان پایتختی کابل نینگ ملالی توغروقخانه‌سیده کونیده، یوزلب بیمار درمان اوچون مراجعت قیله‌دی. اوشبو توغروق‌خانه‌ده کسلی بستر بولگن قیس نینگ ایتیشیچه، داکترلردن بیر قطاری کسل‌دارلر بیلن یخشی رفتار قیلمه‌یدی و باشقه بیر قطاری ایسه، دارو‌خانه‌لر بیلن ارتباط لری بولگنی سبب، کسل‌لر گه شفری نسخه یازه‌دیلر.
اونینگ کوپه‌یتیریشیچه: «داکترلردن قطاری یوقاری درجه تحصیل گه ایگه بولگنلری بیرحالده، بیراق کسل‌لر بیلم خشن رفتار قیله‌دیلر و شونینگدیک کسل‌لر نینگ نادارلیک قیین‌چیلیگی نی نظر گه آلمه‌ی، کسل‌لر گه شفری نسخه یازه‌دیلر.»
بیزلرنینگ فیسبوک صحیفه‌میزگه باش اورینگ!
ینگی‌لیکده کابل نینگ جمهوریت کسل‌خانه‌سی گه درمان اوچون آته‌سینی کیلتیرگن بغلان یشاوچیلریدن زهیر‌الدین نینگ ایتیشیچه، اوشبو کسل‌خانه ده آته‌سینی بستر قیلیش اوچون قنچه کیلومتر فاصله‌لرنی کیزیب کیلگن؛ بیراق مذکور کسل‌خانه مسئوللری اوشبو کسل‌‌نی درمان اوچون قبول قیلمه‌گنلر.
اونینگ کوپه‌یتیریشیچه: «دولتی کسل‌خانه‌لردن هیچ بیر سوراق سوال یوق. داکترلر درست رفتار قیلمه‌یدیلر و دولتی کسل‌خانه‌لرده واسطه بولمه‌‌گنده، کسل نی تحویل آلمه‌یدیلر و حاضرگچه کسل‌خانه ایشیگی یانیده توخته‌گن‌من.»
بوتوغریده ساغلیق‌نی سقلش وزیرلیگی نینگ فکرینی اورگه‌نیش اوچون سعی و حرکت قیلدیک؛ بیراق اوشبو وزیرلیک قونقیراغی‌میز گه جواب قیترمه‌دی.
شونده‌ی بیرحالده، کونده افغانستان ده یوزلرچه کسل مناسب ساغلیق خذمت‌لر گه قول تاپه آلمسلیگی سبب، درمان اوچون قوشنی مملکت‌لر گه سفر قیله‌دیلر.
بیزلرنینگ توییترده هم تعقیب قیلینگ!
افغانستان یشاوچیلریدن قطاری، ساغلیق‌نی سقلش وزیرلیگی‌دن اوشبو مملکت‌ده ساغلیق خذمت‌لر نینگ معیاری لشتیریش اوچون سعی و حرکت قیلیش‌لرینی ایسته‌یدیلر.
ایتیش کیره‌ک که، ساغلیق‌نی سقلش وزیرلیگی سرپرستی قلندرعباد، نیچه مدت آلدین ایران گه بارگن ایدی و ساغلیق خذمت‌لر ارائه‌سی نینگ معیاری توزه‌تیش اوچون نیچه بیتیم نی اوشبو مملکت بیلن امضا قیلگن.
