تام گه آسیلگن چراغلر یاردمی بیلن کوریلیش امکانیتی یرهتیلگن بیر زیرزمینیده، بیر دهلیز ایچیده اوچته اتاق یانمه-یان جایلشگن. اوشبو اتاقلردن هر بیریده نیچه عیال مهرهدوزلیک و تیکووچیلیک بیلن شغللنگن. پوشاک بانوان کابل اسمی آستیده بولگن مذکور ایشخانه، قریب ۱۰ مینگ افغانی خرهجت بیلن صالحه مسلمی آرقهلی آچیلیب و حاضر ایسه ۵۰دن آرتیق قیز و عیال گه ایش زمینهسینی یرهتگن.
اوشبو ایشخانهده عیاللر و قیزلر تیکووچیلیک و مهرهدوزلیکنی اورگهنیب و شونینگدیک بو ییرده ایشلش آرقهلی پول هم قولگه کیلتیرهدیلر.
صالحهنینگ ایتیشیچه، عیاللر و قیزلر آلتی آیلیک ایش اورگهنیش دورهسینی بیتیریشدن کیین، اویده فعالیت قیلیب و شخصی درآمد گه ایگه بولیشلری ممکن. اونگه کوره، تعلیمی دورهنی یوقاری نمره بیلن یکونلنتیرهدیگن کیشیلر، مذکور ایشخانهده ایش اورگتووچی صفتیده ایشله آلهدیلر.
بیزلرنینگ «ایکس» ترماغی ده هم تعقیب قیلینگ!
اوشبو ایشخانهده ایشلهیدیگن عیاللردن کوپینچهسی، تعلیم و تحصیلدن قالگن اووقوچیلر و طلبهلر دیر.
کابل بیلیم یورتی اداره و پالیسی عامه فاکولتهسی طلبهسی بولمیش زهرا فیضی، قیزلر یوزیگه بیلیم یورتلر یاپیلگنیدن کیین اوشبو ایشخانه گه تیکووچیلیک اورگهنیش اوچون کیلیب و اورگهنیش دورهسینی بیتیریگنیدن کیین، حاضر ایسه بو ییرده ایش اورگتووچی صفتیده ایش بیلن شغللگن. اونینگ ایتیشیچه، حاضر باشقه قیزلرگه اندازه آلیش، قیچی قیلیش و کییم تیکیشنی اورگتهدی.
قیزلر و عیاللر، ایش و تعلیم توغریسیده چیکلاولر یرهتیلگنی بیلن ینه هم سعیوحرکتدن واز کیچمهی و خودکفالیککه ایریشیش مقصد سعیوحرکت قیلهدیلر و پوشاک بانوان کابل ایشخانه ایسه اولردن قطاریگه ایشلش یانیده مسلکی شکلده بیر مهارتنی اورگهنیشلری اوچون زمینه یرهتگن.
آلتینچی صنفدن یوقاری قیزلر تعلیمی تقیقلنگنی بیلن جمعیتده فعال حضوری بولیشی مقصد سعیوحرکت قیلهدیگن مذکور ایشخانهدهگی اوقووچیلردن بیری نازنیننینگ ایتیشیچه: «مکتب ایشیگی یاپیلگنی و آخر ییلی نی بیتیره آلمهگنیم پیتده، ناامید بولدیم؛ بیراق بو ایشخانهده تیکووچیلیکنی اورگنهمن و بو مهارت آرقهلی درآمدیم بولیشینی ایستهیمن.»
اوشبو ایشخانه عیاللرنینگ قوللب-قوتلنشی مقصد قوریلیب و حاضر ایسه کابل دهگی قیزلر و عیاللردن قطاریگه ایش و اقتصادی فرصتلرنی یرهتماقده.
بیزلرنینگ فیسبوک صحیفهمیزگه باش اورینگ!
مذکور ایشخانهده ایشلهیدگن کیشیلردن بیری نگینه اسلامنینگ ایتیشیچه، ایشلش زمینهسیده عیاللر گه چیکلاولر یرهتیلگنی بیرحالده، قیزلر و عیاللردن قطاری بو ایشخانهده ایشلش بیلن اقتصادی قیینچیلیکلریدن بیر بولیمینی حل قیله آلگنلر. بو ایشخانهده ایشلهیدیگن نگینه، بو ییرده ایشلش بیلن عایله اقتصادی وضعیتی یخشیلنیشیگه همکار بوله آلگن.
صالحه مسلمینینگ اورغولشیچه، قول صناعتی و صناعت قیزلر و عیاللر اوچون رسمی تعلیم اورنینی توته آلمهیدی.
عیاللر گه تعلیم و تحصیلنینگ تقیقلنگیدن کیین، مملکتنینگ تورلی ولایتلریده قیزلر و عیاللردن کوپ قطاری کیچیک قول صناعتی و تیکووچیلیک ایشخانهلرینی آچیش بیلن، اوزلری و باشقه خاتین-قیزلرگه ایش زمینهسینی یرهتیش گه حرکت قیلگنلر که اولردن بیری پوشاک بانوان کابل دیر.
