کابل یشاوچیلریدن بیرقطاری، بازارلرده سبزهوات اینیقسه پیاز قیمت بولیشیدن شکایت قیلیب ایتیشلریچه، هر کونی پیاز نرخی آشماقده، اوشبو کونلر اولر نینگ خرید توانی کمهیگن.
کابل یشاوچیلریدن نویدالله نینگ سلاموطندار گه ایتیشیچه: «بیر سیر پیاز ۴۰۰ افغانی؛ همه نرسه قیمت بولگن، بیر بوجی اون ۲۲۰۰ گه ییتیشگن.»
کابل یشاوچیلریدن باشقه بیری علیحسین گه کوره: «قیمتلر اوز اوجی گه ییتگن. بیر کیلو پیاز ۲۰ افغانی ایدی حاضر ۴۰ افغانی دیر، کچالو ۱۵_۲۰ افغانی ایدی حاضر ۴۰_۴۵ افغانی گه ییتگن همه نرسه قیمت بولگن. اوزیمیز سابق بیر سیر آلر ایدیک، حاضر یریم کیلو آلهمیز.»
بیزلرنینگ فیسبوک صحیفهمیزگه باش اورینگ!
سوداگرلردن قطاری نینگ ایتیشلریچه، چیت ایل مملکتلر اینیقسه پاکستان گه پیاز صادراتی و باجخانه تعرفهلری یوقاریلیگی، مملکت بازارلری جمله دن کابل شهری ده پیاز قیمت بولیشیگه سبب بولگن.
سوداگرلردن ادریس نینگ ایتیشیچه: «پیاز پاکستان گه صادر بولیشی اوچون قیمت بولگن و حاضر تاجیکستان و اوزبیکستان دن وارد بولهدیگن پیاز دن قوللنهیپمیز.»
سوداگرلردن باشقه بیری محمداسلام نینگ نینگ کوپهیتیریشیچه: «پیاز قیمت بولگن؛ نرخلر آشگن؛ اوتگن کون پیاز نی ۳۴۰ افغانی گه کیلتیردیک بوگون ۳۶۰ افغانی گه آشگن، چونکه پیاز پاکستان گه صادر بولهدی.»
صناعت و سوداگرلیک وزیرلیگی، افغانستان ده پیاز حاصلاتی یکونی و سالنگ قتناو یولی یاپیلیشینی، کابل بازارلریده پیاز نرخی آشیش عاملی عنوان قیلهدی.
بیزلرنینگ توییترده هم تعقیب قیلینگ!
صناعت و سوداگرلیک وزیرلیگی سوزلاوچیسی عبدالسلام جواد آخوندزاده نینگ سلاموطندار گه ایتیشیچه: «افغانستان نی ایچکی پیاز تولیدی یکونلنگن، چونکه چیت ایل گه صادراتیمیز بار ایدی، پیاز قیمت بولگنی سبب اوزبیکستان و تاجیکستان دن پیاز وارداتینی باشلهدیک، سالنگ یولی یاپیلیشی سبب اوشبو کونلر پیاز نرخی آشگن.»
هر ییلی قیش موسومی ییتیب کیلیشی بیلن، افغانستان بازارلریده تازه سبزهوات نرخی آشهدی.
مملکت ده بویوک و ستندرد ساووقخانهلر یوقلیگی باعث، هر ییلی ایچکی محصولاتلردن کوپی اینیقسه پیاز و پمیدار، پاکستان گه صادر بولهدی و قیش موسومی ده، اوشبو مملکت دن یوقاری نرخ ده قیته دن افغانستان گه وارد ایتیلهدی.
