کابل شهریده یشاوچیلردن قطاری نینگ سلام‌وطندار گه ایتیشلریچه، ایش جریانیده کوپراق برق‌دن فایدهلنه آلمه‌یدیلر. اولر مسئوللردن کابل شهریده برق پرچاوی‌لری نینگ کمه‌یتیریلیشی نی ایسته‌یدیلر.
کابل شهری «قلعه‌‌ی فتح‌الله» منطقه‌سیده جایلشگن بیر موبل و فرنیچرسازلیک ایش‌خانه ایگه‌سی ناصر احمدی نینگ ایتیشیچه، کون‌لردن بیری برق پرچاوی‌سی کوپه‌یگنی سبب، قیین‌چیلیک‌لر بیلن روپه‌ره بولیب و حتا دکان کرایه‌سی نی توللش گه هم کوچی ییتیشمه‌یدی.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «مکمل برقی‌میز بولگنی‌ده ایشی‌میز نینگ دوامی بار و برچه ایشی‌میز برق بیلن تیگیشلی دیر. برمه، هوا ماشینی، برقی ماشین دیر و برق بولمه‌گنی صورتده، مکمل شکلده بیکار‌میز. آی نینگ آخری‌ده دکان ایگه‌سی کیله‌دی. خدا شاهد که ایکی آی قرض‌دار‌مین.»
کابل نینگ شهر‌نو منطقه‌سیده تیکووچیلیک ایش‌خانه ایگه‌سی زین‌الله، برق پرچاوی‌سیدن شکایت قیلیب ایتیشیچه، برق‌دن فایدهلنه آلمه‌سلیک سبب، کونده آلتی ساعت ایش‌سیز دیر.
اونینگ کوپه‌یتیریشیچه: «برق بولمه‌گنی صورتده، برچه شاگرد‌لریمیز بیلن ایش‌سیز قاله‌میز و ۱۵-۲۰ جوره کییم نینگ تیکیشی قاله‌دی. بیر قطار کون‌لر ۵-۶ ساعت برق پرچاوی‌سی سبب، ایش‌سیز قاله‌میز.»
بولر گه علاوه، کابل شهری یشاوچیلریدن باشقه بیر قطاری نینگ ایتیشلریچه، ۲۴ ساعت‌ده ۱۰ ساعت‌دن کوپراق برق‌دن فایدهلنه آلمه‌یدیلر.
کابل شهری «چهارقلعه‌ی وزیرآباد» منطقه یشاوچیسی رسول، برق پرچاوی‌سیدن شکایت قیلیب ایتیشیچه، نیاز بولگنی پیت‌ده، برق گه قول تاپه آلمه‌یدیلر. او افغانستان برق ییتکزیش شرکتی (برشنا)دن، پرچاوی‌لر نینگ کمه‌یشی نی ایسته‌یدیلر.
رسول نینگ کوپه‌یتیریشیچه: «بیر کیچه-کوندوز‌ده ۵-۶ ساعت‌دن کوپراق برقی‌میز یوق و شونینگدیک برق پرچاوی‌سی سبب، اوی‌ده برقی وسیله‌لردن قوللنه آلمه‌یمیز.»
عین حالده، افغانستان برق ییتکزیش شرکتی‌ده مسئوللر نینگ ایتیشلریچه، برق خصوصیده کابل شهری یشاوچیلری نینگ تقاضاسی کوپه‌یگنی سبب، شونینگدیک پرچاوی هم کوپه‌یگن دیر.
برشنا سوزلاوچیسی حکمت‌الله میوندی نینگ ایتیشیچه، اوتگن کون ترکمنستان دن افغانستان گه ۵۰۰ کیلووات برق لینی نینگ انتقال بیریش بیتیمی، خصوصی بیر شرکت بیلن امضا قیلینگن که، ایکی ییل‌گچه تکمیل بولیشی ممکن.
بیزلرنینگ فیسبوک صحیفه‌میزگه باش اورینگ!
برشنا سوزلاوچیسی نینگ کوپه‌یتیریشیچه، اوشبو نهاد کابل ده برق پرچاوی‌سی کمه‌یشی اوچون سعی و حرکت قیله‌دی. «اهالی بو توغریده حوصله‌لی بولیشی کیره‌ک که وقت اوتیشی بیلن برق نظمی منظم‌لنیشی و برق کوپه‌یشی خصوصیده، درست ایشله‌یلیک.»
افغانستان برق ییتکزیش شرکتی نینگ آماری اساسیده، حاضر ایسه پایتخت یشاوچیلری گه برق ییتکزیش اوچون ۲۴ ساعت‌ده ۵۰۰ میگاوات برق گه نیاز دیر و اوشبو شرکت یالغیز ۶۰ فایز نینگ تأمین قیلیشی ممکن.