معارف‌دن حمایت قیلووچی ائتلاف نهادی کابل آزادی لیسه‌سیده ساغلیک کمپنی یولگه قوییش بیلن، اوشبو مکتب اوقووچیلریگه ساغلیک خذمت‌لر نی ارائه قیلیشی‌دن خبر بیره‌دی.
بیزلرنینگ فیسبوک صحیفه‌میزگه باش اورینگ!
مذکور نهاد مسئوللری بوگون اوشبو کمپنی یولگه قویش چاغیده ایتیش‌لریچه، «آزادی لیسه‌سی» نینگ اوقووچیلری و اوقیتووچیلریگه بوتون ساغلیک خذمت‌لر رایگان شکلده ارایه قیلینه‌دی.
معارف‌دن حمایت قیلووچی ائتلاف نهاد اورین‌باسری صبغت‌الله صاحب‌زاده، اوقووچیلر و اوقیتووچیلرگه ساغلیک خذمت‌لر نینگ ارایه قیلینیشی‌دن مقصد، اوقووچیلر و مملکت تعلیم نهاد‌لریدن حمایت قیلیش دیگن.
جناب صاحب‌زاده گه کوره، تشخیص، درمان و دارو-دوا تجویز قیلیش مرحله‌لری برچه‌سی اوشبو نهاد تامانیدن رایگان شکلده اجرا بولیب و بیر کون دوام ایته‌دی.
اونینگ کوپه‌یتیریشیچه:«نیازلر اساسیده اوشبو ساغلیک کمپنی بیر مراتبه غلام‌حیدر خان لیسه‌سیده و باشقه بیر مراتبه ایسه کابل شهری نینگ آزادی لیسه‌سیده یولگه قویه‌میز. اوشبو نهاد‌لر یولگه قویلیشی‌دن مقصد، اوقیتووچیلر، معارف‌ده ایشله‌یدیگنلر و اوقووچیلردن حمایت قیلیش دیر.»
بیزلرنینگ توییترده هم تعقیب قیلینگ!
ایتیش کیره‌ک دیرکه، اوقووچیلر، اوقیتووچیلر و مکتب‌ده‌گی ایشلاوچیلرگه ساغلیک خذمت‌لر نینگ عرضه قیلیش پروسه دوام‌لی دیر و اوشبو نهاد کابل شهری‌ده‌گی باشقه مکتب‌لرگه هم درمان زمینه‌سینی فراهم قیلیشنی نظرگه آلگن.
