چیکلاولر و اقتصادی باسیملر سایهسیده، هرات ده قالین توقووچی عیاللر کیچیک ایشخانهلرنی آچیش بیلن، نهفقط عایله نیازلرینی تامین قیلگنلر، بلکیم قالیننینگ هر بیر توگونی بیلن حیاتلریدهگی قیینچیلیکلر توگونینی آچماقدهلر. اوشبو ایشخانهلر، اقتصادی نیازلری تامینلنیشیده عایلهلرگه یاردم بیریشی یانیده، ایش و تعلیمدن محروم قالگن قیز و عیاللرنینگ قالین توقیش کبی مهارتلرنی اورگهنیش و روحی باسیملردن قوتقریلیش مقصد، تینچ بیر فضا دیر.
قالین توقیش، افغانستاننینگ قدیمی فرهنگ و قول صناعتلریدن بولیب، نسلدن نسلگه اوتگن و دایم عایلهلر اقتصادی و فرهنگیده مهم اورینگه ایگه دیر. افغانستان قالینلری، کوپراق عیاللرنینگ محنتی محصولی بولیب، قدیمدن بویان دنیانینگ اینگ یخشی قالینلریدن بیری صفتیده تانیلهدی.
هرات شهرینینگ قدیمی محللریدن بیریده، مریم عیانی اسملی بیر عیال، قالین توقیش صناعتینینگ عیاللرگه اورگهتیش و اولردن حمایت قیلیش مقصد، ۱۰ ییل آلدین «فاتح فاتحی» آتیده بیر ایشخانه آچگن. بو مدتده، عیاللردن کوپ قطاری قالین توقیش مهارتلرینی اورگهنیب و عایلهلرینی قوللب-قوتله آلگنلر. حاضر ایسه اوشبو ایشخانهده سرپرستسیز عیاللر و تحصیلدن قالگن قیزلر شامل ۷۰ گه یقین خاتین-قیز قالین توقیش ایشلری بیلن شغللنگن.
بیزلرنینگ «ایکس» ترماغی ده هم تعقیب قیلینگ!
بانو عیانی، بو صناعت برابریدهگی قیینچیلیکلر و توسیقلر توغریسیده ایتیشیچه: «قیغو بیلن درآمد جودهیم آز دیر. بو ییرگه کیلگن عیاللر و قیزلر بیر مهارتنی اورگهنیش و باشقهلرگه قوللری اوزهلمسلیگی اوچون قالین توقیشگه یوز کیلتیرگنلر.»
شونینگدیک بیش ییل آلدین هرات شهریده کیچیک بیر ایشخانه آچگن عیاللردن باشقه بیری زینب فیروزینینگ ایتیشیچه، حاضر ایشخانهسیده عایله سرپرستی و تحصیلدن قالگن قریب ۷۰ عیال ایش بیلن شغللنگن. اونینگ کوپهیتیریشیچه، قالین توقیش یانیده ایشخانهسیده گل توزهتیش و تیکووچیلیک هم ایش اورگنووچیلرگه اورگهتیلهدی.
فیروزی، حاضرگچه ایشخانهسیدن ۲۶۰ عیالنینگ فارغ بولگنی و اولردن قطارینینگ اوزلریگه کیچیک ایشخانهلر آچگنلرینی بیان قیلیب، ایتیشیچه: «دولت و سوداگرلر بیزلردن حمایت قیلگنی صورتده، قالین توقیش فرهنگینی سقلش توغریسیده موفق بوله آلهمیز. بو صناعتنینگ کوپینچه زحمتی عیاللر بوینیگه دیر، بیراق بو توغریده حمایت بولمهیدیلر. بیزلر بیر مسلک اورگهنیش بیلن، ایشلب و حیاتیمیزده موفق بوله آلهمیز.»
قالین توقیش بیلن حیاتی یولینی اوزگرتیرگن عیاللردن بیری ۱۶ یاشر سمیه احمدی، قیزلر یوزیگه مکتبلر ایشیگی یاپیلگنیدن کیین کوپینچه روحی قیینچیلیکلر بیلن روپهره بولگنینی بیان قیلیب و ایتیشیچه. «قیزلر یوزیگه مکتبلر ایشیگی یاپیلگنیدن کیین، اویده بولیب روحی قیینچیلیک بیلن روپهره بولدیم. هیچ بیر ایش هم قولیمدن کیلمس ایدی، کیین کوردیم که اوییمیز یقینیده قالین توقووچیلیک ایشخانه بار و مین هم بو صناعتگه قیزیقهر ایدیم. کیلیب قالین توقیشنی اورگهنیش گه باشلهدیم و حاضر ایسه اوزیمده ایش اورگنووچیلریم بار و قیزلر کیلیب میندن قالین توقیشنی اورگنهدیلر.»
اقتصادی مسئلهلر بیلرمانی محمدهارون احمدی، قالین توقیشنی عایله سرپرستی بولمیش مینگلب عیال اوچون عایله خرهجتی و نیازلری تامینلنیشیده مناسب درآمد منبعسی دیگن. اونینگ ایشانچیگه کوره، اوشبو صناعت، دستلبکی مادهلرنی ایشلب چیقریش بولیمیده هم باشقه عیاللر اوچون نامستقیم شکلده ایش زمینهسینی یرهته آلهدی.
بیزلرنینگ فیسبوک صحیفهمیزگه باش اورینگ!
احمد، مملکت اقتصادی رواجلنیشی ساحهسیده عیاللرنینگ مهم اورنیگه تاکیدلب و ایتیشیچه: «قالین توقووچی عیاللر، مملکت فرهنگی، صناعتی و ملی کیملیگینی سقلش همده افغانستان قالینی صناعتی شهرتیده مهم اورینگه ایگهلر.»
شوندهی بیرحالده، هرات ده غرب زونی عیاللر بوییچه سودا و صناعت اتاقی باشلیغی بهناز سلجوفی، قالین توقووچی عیاللر برابریدهگی جدی قیینچیلیکلر بارلیگینی تصدیقلب و ایتیشیچه، بودجه، ییترلی حمایتلر و صادرات اوچون مناسب شرایط یوقلیگی، افغانستان ده عیاللر فعالیتی حوزهسیده قالین توقیش صناعتینینگ اساسی و اصلی قیینچیلیکلریدن دیر. «قیغو بیلن افغانستان قالینلری اوز آتیگه ساتیلمهیدی، ایران و پاکستان سوداگرلری آرقهلی دنیا بازارلریگه یوباریلهدی و اولرنینگ مملکتلریده ایشلب چیقریلگن صفتیده ساتیلهدی.»
قالین توقووچی عیاللر، سونگی نیچه ییلده افغانستان اهالیسی قشاقلیک بیلن روپهره بولیب و عیاللرگه کون اوتیشی بیلن چیکلاولر کوپهیگنی بیرحالده، قالین توقیش صناعتی یولی آرقهلی عایلهلرینینگ مالی قوللب-قوتلش اوچون مناسب درآمد منبعسینی یرهتگنلر.
