«انگشت‌ِ شاه» سرپل ولایتی سانچارک تومنی مرکزی نینگ ۸ کیلومترلیگی‌ده «شبوکند» قیشلاغیده جایلشگن و اوشبو ولایت نینگ طبیعی جاذبه‌لی مکانلریدن بیری حساب‌لنه‌دی.
سرپل یشاوچیلریدن قطاری نینگ ایتیش‌لریچه، کونده سرپل، جوزجان، فاریاب، بلخ، سمنگان، بامیان، قندوز، تخار، غزنی، بغلان و کابل یشاوچیلریدن یوزلرچه‌سی، سیاحت و دم آلیش اوچون مذکور دره گه باره‌دیلر.
بیزلرنینگ توییترده هم تعقیب قیلینگ!
سرپل یشاوچیلری گه کوره، انگشت‌ِ شاه دره‌سی حضرت علی (رض) نینگ قدمگاه‌لری دیر که، مذکور دره بولاقلری نینگ سووی شفا بخش دیر و اهالی اونینگ سووی‌دن تورلی کسللیکلر اوچون دارو صفتیده قوللنه‌دیلر.
سرپل یشاوچیلریدن بیری ذبیح‌الله نینگ ایتیشیچه، انگشت شاه دره‌سی مذکور تومن نینگ کورگولی و توریستی مکانلریدن بیری دیر که مملکت یشاوچیلری تورلی ولایتلردن اشتیاق بیلن دم آلیش اوچون بو ییرگه کیلیب سیاحت قیله‌دیله‌لر.
اونگه کوره، مملکتده خوف‌سیزلیک تأمین ایتیلیشی بیلن یشاوچیلر نینگ دم آلیش خصوصیده بولگن اشتیاقمندلیکلری کوپه‌یگن.
شونده‌ی بیرحالده، سرپل یشاوچیلریدن باشقه بیری امان‌الله نینگ ایتیشیچه، مذکور دم آلیش مکان نینگ قتناو یولی تعمیر‌لنگنی صورتده، سیاحتچیلرنینگ سانی کوپه‌یشی یانیده دولت خزینه‌سیگه یخشی درآمد هم توپله‌نیشی ممکن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشچه، مملکتده امنیت نینگ تأمین ایتیلیشی مملکتده تورلی قوملر اورته‌سیده بیرلیک وبیردملیک کوچه‌یشیگه سبب بولگن و یشاوچیلر قورقمسدن دم آلیش اوچون ولایتلرگه سفر قیله‌دیلر.
باشقه بیر تامان‌دن، سرپل مدنی فعاللری اوشبو ولایت نینگ فرهنگی یادگارلیکلری سقله‌نیش اوستیگه تأکیده قیلیب، اسلامی امارت‌دن اهالی گه قولـــله‌یلیک یره‌تیلیشی خصوصیده کیسکین سعی و حرکت قیلیشلری نی سوره‌گنلر.
