افغانستان تینچلیک جریانی بوییچه آمریکا خاص نماینده‌سی زلمی خلیلزاد نینگ ایتیشیچه، قتل‌لر و هدفلی ترورلر تینچلیک جریانی‌نی تهدید قیله‌دی و توخته‌تیلیشی کیره‌ک.
بوگون “جمعه” جناب خلیلزاد نینگ توییتر صیحفه‌سیده یازیشیچه، افغانستان یشاوچی‌لری تینچلیک ایسته‌یدی. اونینگ تاکید قیلیشیچه، آتیش‌کیسین و سیاسی کیلیشوو جدی نیازلردن دیر و مذاکره قیلووچی طرف‌لرنینگ آتیش‌کیسین قیلینیشی مقصد ده سیاسی کیلیشووگه قول تاپیش اوچون سعی و حرکت قیلیشی کیره‌ک. اونینگ ایتیشیچه، آمریکا بوتوغریده ایکی طرف‌گه یاردم بیره‌دی.
خلیلزاد نینگ سونگی قتل و ترورلرگه قرشی ایتیشیچه، زوروانلیک نینگ کوپه‌یشی اهالینی خواطرگه سالگن و بو وحشت افغانستان‌لیکلرنی مملکت‌لرینی ترک قیلیش گه مجبور قیلگن.
افغانستان تینچلیک جریانی بوییچه آمریکا خاص نماینده‌سی، فیفا اجرایی باشلیغی محمدیوسف رشید نینگ تروری، پلچرخی قماقخانه‌سی نینگ ۴ داکتری و کاپیسا ولایتیده حقوقی فعال فرشته کوهستانی نینگ ترورینی قاره‌لگن.
حاضرگه‌قدر هیچ‌بیر گروه بو قتل‌لر مسوولیتی‌نی بوینیگه آلمه‌گن.
جناب خلیلزاد نینگ کوپه‌یتیریشیچه: «هر جماعه‌نی یوسف و فرشته کبی کیشیلرگه نیازی بار. اولر جماعه نینگ وجدان و اجتماع قلبی‌نی حیاتده توته‌دی. اولرنینگ قورقینچ ده حیات کیچیرمه‌یشی و ترور قیلینمه‌یشی کیره‌ک.»
افغانستان تینچلیک جریانی بوییچه آمریکا خاص نماینده‌سی نینگ تاکید قیلیشیچه، اوشبو تروریستی هجوم‌لرگه قوللری بولگن‌لردن حساب سوره‌ش کیره‌ک.
ایتیلیشیچه، سونگی آی لرده خبرچی‌لر، مدنی فعاللر و انسان حقوقی مدافعه‌چیلریگه قرشی هدفلی هجوم‌لر کوپهیگن.
