افغانستان تینچلیگی بوییچه آمریکا خاص نماینده‌سی زلمی خلیلزاد، دوحه ده طالبان سیاسی دفتری اورین‌باسری ملا برادر و طالبان مذاکره‌چی هیأتی باشلیغی عبدالحکیم حقانی بیلن اوچره‌شگن.
قطر ده طالبان سیاسی دفتری سوزلاوچیسی نینگ ایتیشیچه، ایکی تامان افغانستان تینچلیک سوزلشوولری حقیده سوزلشگن و آمریکا و طالبان گروهی آره‌سیده امضالنگن کیلیشوونامه اساسیده عمل قیلینیشی اوستیگه اورغولشگن.
طالبان سیاسی دفتری سوزلاوچیسی محمد نعیم گه کوره، محبوسلر قوییب یوباریلیشی ایکی تامان آره‌سیده بحث قیلینگن موضوعلردن ایکن.
باشقه بیر تامان طالبان مذاکره‌چی هیأتی، اسلام عالملری نینگ خلق‌ارا تشکیلاتی باشلیغی احمد الریسونی بیلن اوچره‌شیب، دوحه کیلیشوونامه‌سی اساسیده تینچلیک سوزلشوولری آلغه کیتیشی گه اورغوله‌گن.
تینچلیک سوزلشوولری آمریکا و طالبان گروهی آره‌سیده امضالنگن تینچلیک کیلیشوونامه‌سی اساسیده آلغه کیتیشی طالبان و افغانستان اسلامی جمهوریتی آره‌سیده‌گی جنجللی موضوعلردن دیر.
