افغانستان سابق جمهور باشلیغی حامد کرزی، اسلامی امارت تامانیدن عیال نطاق‌لری گه یره‌تیلگن چیکلاو گه عکس‌العمل کورسه‌تیب ایتیشیچه، اولر برنامه جریانیده یوزلرینی یاپیشی ضرور ایمس.
جناب کرزی سی‌ان‌ان خبری آژانسی بیلن اوتکزگن صحبتیده ایتیشیچه، یوزنی یاپیش حجاب ایمس و شونینگدیک افغانستان نینگ فرهنگی هم ایمس، بلکه باشقه مملکت‌لر نینگ فرهنگی افغانستان گه کیلتیریلگن.
بیزلرنینگ فیسبوک صحیفه‌میزگه باش اورینگ!
افغانستان سابق جمهور باشلیغی نینگ کوپه‌یتیریشیچه، افغانستان اسلامی بیر مملکت دیر و خاتین قیزلر هردایم حجاب‌نی رعایت قیلگنلر. او اسلامی امارت‌دن، اوشبو قرارلرینی قیته کوریب چیقیش‌لرینی طلب قیلگن.
کرزی اوشبو تلویزیونی صحبتیده، آلتینچی صنف‌دن یوقاری قیزلر مکتبی یاپیق قالیشینی «افسوس‌لرنی» دیب، بو قرار افغانستان گه زیان ییتکیزیشینی بیلدیرگن.
امر بالمعروف و نهی منکر وزیرلیگی، اوتگن هفته چهارشنبه کونی تلویزیون‌لر گه یوللـه‌گن مکتوبی ده، عیال نطاق‌لری برنامه چاغیده ماسک تاقیش‌لرینی بویورگن. اوشبو بویروغ ایریم مناسبت‌لر گه روپه‌ره بولگن.
بیزلرنینگ توییترده هم تعقیب قیلینگ!
بیراق اسلامی امارت سوزلاوچیسی ذبیح‌الله مجاهد، برچه عیاللر حجاب‌نی رعایت ایتیشنی الزامی دیب سلام‌وطندار گه ایتیشیچه، صادر ایتیلگن دستور استثناسیز امر دیر و برچه «سینگیللریمیز اونی رعایت قیلسین‌لر؛ چونکه دینی بیر امر دیر.»
