کاپیسا معارف ریاست مسئوللری، یونیسف مالی همکارلیگی بیلن بیرینچی صنف‌دن اون ایکینچی صنف‌گچه ۶۶۰۰۷۶ جلد درس‌لیک ترقه‌تیلگنی‌دن خبر بیرگنلر.
کاپیسا معارف ریاست رئیسی احمد‌فرید حقانی، اوشبو خبر نی تصدیق‌لب سلام‌وطندار گه ایتیشیچه، مکتب‌لرده‌گی موجود نیاز اساسیده کاپیسا معارف ریاستی گه تیگیشلی مکتب‌لر گه بیر میلیون جلد درس‌لیک ایسته‌گن ایکن.
بیزلرنینگ فیسبوک صحیفه‌میزگه باش اورینگ!
جناب حقانی نینگ کوپه‌یتیریشیچه، مملکت معارف وزیرلیگی اوشبو ولایت مکتب‌لری گه ۶۶۰۰۷۶ جلد درس‌لیک نی اختصاص بیرگن که، بوگون اونینگ بیرینچی مرحله‌سی‌ده قریب ایکی یوز مینگ جلد کتاب تومن‌لر گه ترقه‌تیلگن و شونینگدیک برچه درسلیکلر نینگ ترقه‌تیلیشی بیلن اوشبو ولایت مکتب‌لریده بولگن قیین‌چیلیک‌لردن ۶۰ فایزی نینگ حل بولیشی ممکن.
کاپیسا معارف ریاست رئیسی نینگ اورغولشیچه، یونیسف کتاب، خیمه و کتابچه-قلم تیارلنیشی خصوصیده اوشبو اداره بیلن همکارلیک قیلگن دیر.
بیزلرنینگ توییترده هم تعقیب قیلینگ!
ایتیلیشچه، درسلیکلر نینگ ایسکیریش دوره‌سی ۳ ییل تخمین بولگن ایدی، بیراق اوشبو کتاب‌لردن ۹ ییل اوتگن و پنجشیر، کاپیسا و پروان ولایت‌لریده‌گی برچه اوقووچیلر درس‌لیک کم‌لیگی خصوصیده جدی قیین‌چیلیک بیلن روپه‌ره‌لر.
