روسیه نینگ افغانستان ایشلری بوییچه خاص نماینده‌سی ضمیر کابلوف نینگ ایتیشیچه، ترویکا گه اعضا بولگن (روسیه، آمریکا، چین و پاکستان) مملکتلری نینگ ییغینی جاری میلادی ییل فبروری آیی یکونیگچه کابل‌ده یولگه قویلیشی ممکن.
کابلوف اوتگن کونی (دوشنبه ۱۱دلو) روسیه تاس آژانسی گه ایتیشیچه، کینگه‌یگن ترویکا گه اعضا مملکت‌لر کیینگی ییغین لری نینگ تاریخی حقیده بحث ایتماقده‌لر. اونینگ اورغولشیچه روسیه کینگه‌یگن ترویکا توجه سینی افغان‌لر آره سیده صلح جریانی یکونلنیشی و شونینگدیک افغانستان نینگ قیته قوریش‌ده خلق‌ارا جمعیتی دقتینی قره‌تگن.
بیزلرنینگ توییترده هم تعقیب قیلینگ!
بوندن آلدین افغانستان باره سیده ترویکا ییغینی ایکینچی دوری اسلام آباد و مسکوده اوتکزیلگن ایدی. ایتیش کیره‌ک روسیه نینگ افغانستان اوچون مخصوص نماینده‌سی، کینگه‌یگن ترویکا ییغینی جنوری آی یکونیگچه مسکوده یولگه قویلیشینی اعلان ایتگن ایدی.
شونینگدیک چین دولتی اوشبو ییغین جنوری آی نینگ اداغیگچه اوشبو مملکت پایتختی پکن‌ده یولگه قویلیشیدن خبر بیرگن. کینگه‌یگن ترویکا نینگ باشقه بیر ییغینی بو ییل نینگ ۲۰- عقرب‌ده پاکستان و اسلام‌آباد میزبانلیگی بیلن یولگه قویلگن ایدی. او ییغینده شونینگدیک اسلامی امارت هیاتی ریاستی گه تشقی ایشلر وزیرلیگی سرپرستی امیرخان متقی اسلام‌آباد گه سفر قیلیب و کینگه‌یگن ترویکا اعضالری بیلن اوچره‌شگن ایدی.
